Hai anos había máis vida e produtos nunha taberna de aldea que hoxe nas tendas dun pobo de tamaño modesto.
A sentenza expresa unha ‘verdade’ cuestionable. Mais a súa falta de precisión, ou mesmo a dúbida sobre a súa veracidade fai que sexa case imbatible en certos contextos ou imaxinarios. Aprovéitome desa imbatibilidade para ilustrar o que pasa neste século XXI, no que literalmente nos vemos inundados de cousas. Sonnos ofertadas de xeito compulsivo necesitémolas ou non, e cada vez, digamos, con menos escapatoria pola nosa parte. O caso é que eses produtos, ferramentas, cachivaches… véñennos en parte, nunha parte que cada vez está a medrar máis, por mensaxería. Así que non, en contra do que se facía en xeracións anteriores, non imos por elas a esta ou aquela tenda, onde é posible que xa non as teñan, en caso de que as tendas sigan a existir. Iso, hoxe, pode verse como unha realidade diaria e non como unha anécdota -aínda que nalgúns casos puidera ser recorrente- ó estilo do que pasaba coa antiga distribución por catálogo de produtos moi concretos, tipo ‘Venca’ (acrónimo de ‘venta por catálogo’) para a confección ou mesmo ‘Círculo de lectores’ para libros.
Enfocado dende outro punto de vista, o da ‘produtividade’ entendida como ‘máis ganancia’: hoxe ese rendemento polo aumento de ‘produtividade’ resulta sobre todo aproveitado polas empresas, perdendo o traballo e o traballador porcentaxe de ingresos fronte ó capital, ó empresario, inversor ou rentista, e cebando un ciclo que fai que sexa necesario ganar máis para manter un ‘nivel de vida’. É dicir, fai falta tamén a inflación de ganancias do asalariado (eufemismo de máis traballo pola súa parte) para manter o nivel de adquisicións.
Así, é claro, xa non as tabernas de antano fornecidas de ‘todo tipo de produtos’, senón mesmo as tendas especializadas, non dan ni mantido a capacidade de aumento do número de produtos debido á súa diversificación, nin axustado as marxes de beneficio para poder seguir a carreira. Non é que non den beneficio (aínda que sempre hai algunha que non dá beneficio), senón que dan pouco beneficio para seguir a carreira da supervivencia de xeito tranquilo. Tampouco é que non teñan cousas, senón que na inflación de ‘cousas’ actual, sempre quedan marxes que non poden cubrir, o que vai erosionando as súas posibilidades. Sobre todo, nos pobos, que non chegan a ter unha ‘masa crítica’ para o desenvolvemento dalgunhas actividades. Entre ambas realidades, e sumando a falta de substitución xeracional por estar a perder poboación a máis de estar esta máis diversificada á hora de escoller traballos e ter unha mentalidade de axustarse máis ás ‘horas de traballo’ para ‘vivir’ o resto do horario, os pobos van quedando secos, primeiro, e logo baleiros, concentrándose a diversidade, os servizos, os cartos, a vida, nas cidades. Iso, aínda que en determinadas épocas do ano os pobos podan estar a rebordar de xente, turistas e visitantes que se ven a eles mesmos (ás veces de xeito inconsciente mentres presumen da súa integración) e fanse ver pola xente que queda no pobo, como ‘forasteiros’.
Mentres, ate un ovillo de la se pide por internet e calquera cousa que non atopes na rede terás que procurala nunha cidade, de educación a sanidade…
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
