As festas de Entroido da nosa terra poida que nos fixeran esquecer que hoxe comeza a Coresma, un tempo moi especial na vida da Igrexa e dos cristiáns. É unha oportunidade para entrar na necesaria ITV que necesitamos e descubrir como estamos, cara a onde camiñamos, que buscamos, que priorizamos… Son preguntas que sempre nos axudan e que, respondelas con sinceridade, nos permiten crecer, camiñar, avanzar cara á meta. Son preguntas que nos poñen en camiño de conversión como resposta a unha invitación previa.
Os cristiáns comezamos este tempo de camiño cara á vida nova que se nos regala na Pascua co xesto da cinza. Trátase dun xesto antigo que nos convida á penitencia, á conversión, á austeridade de vida. É un acto que indica vontade de cambiar, de seguir a chamada que o Señor nos fai a “ser máis” na vida, nese itinerario de desenvolvemento e de crecemento que todos levamos no noso interior. É fermoso que o fagamos xuntos para expresar este camiño comunitario ao que nos comprometemos.
Permitídeme que, nesta Coresma, vos faga unha proposta comunitaria de peregrinación compartida descubrindo o mundo que nos toca vivir. Co papa León convídovos a que este tempo de Coresma sexa unha ocasión privilexiada para “reconstruír xuntos a comuñón”.
Todos levamos dentro unha sede de comuñón interior: estamos feitos para a filiación divina, para a fraternidade entre iguais, para a unidade interior, para a harmonía co universo. E, con todo, os feitos fálannos de rupturas, enfrontamentos, desasosego interior, explotación, afastamento de Deus… Por iso, a comuñón como tesouro e meta a reconstruír e traballar durante a Coresma paréceme unha fermosa tarefa compartida. A iso convócanos constantemente a Palabra, se a escoitamos e acollemos. Unha meta que, se avanzamos cara a ela, encheranos de vida e xerará moita vida ao noso ao redor. Por iso, convídovos a unir as nosas mans nese horizonte común e de conversión.
A primeira tarefa é reconstruír a comuñón con Deus. O pecado é o que rompeu esa unidade. De Deus prescindimos en moitas ocasións; outras veces ignorámolo; non poucas o utilizamos; noutras o faltamos… O misterio da Pascua que nos dispoñemos a celebrar é a demostración do amor de Deus que ansía entrar en comuñón connosco. É El quen nos convoca a vivir nel, e percibir que o noso corazón está feito para acollelo e ter os mesmos sentimentos que El. A oración e as celebracións coresmais, especialmente a celebración do sacramento da reconciliación, constitúen un fermoso camiño para reparar esta unidade danada.
Urxe tamén reconstruír a comuñón connosco mesmos. Na nosa conciencia percibimos as nosas propias contradicións, a nosa falta de unidade interior entre o que pensamos e facemos, entre o que sentimos, vivimos e dicimos. Precisamente a Coresma ten moito de introspección, de escoita, de proceso interior, de procura de integración e harmonía interna. Necesitamos traballar ese corazón que nos centre e nos dea harmonía e paz, nos serene e nos integre. O xaxún pode axudarnos a traballar esa comuñón interior.
Tamén habemos de reconstruír a comuñón entre nós, especialmente cos máis pobres. Quizais é a máis elocuente e a que se visibiliza na polarización, a ausencia de vínculos, o individualismo atroz, as guerras entre iguais, as palabras que feren, a indiferenza ante o sufrimento… Tamén na nosa Igrexa coóusenos a división e a fractura, cústanos a unidade e a sinodalidade. Necesítase urxentemente reconstruír tantos camiños que nos permitan camiñar cara á fraternidade e procrear esa comuñón entre diversos. Sen dúbida, a esmola como instrumento coresmal pode axudar a xerar esas pontes.
Por último, reconstruír a comuñón co creado: a nosa casa común que habemos de administrar e coidar para, en xustiza, doala ás futuras xeracións. Non caben miradas explotadoras ou economicistas cara ao noso planeta, senón que hai que fomentar a ética do coidado e da responsabilidade.
Sen dúbida, neste desexo de “reconstruír xuntos a comuñón” ábrense moitas perspectivas, iniciativas, procesos… Camiños para percorrer xuntos. É o camiño da Coresma, da túa conversión cara á Pascua. Feliz peregrinaxe.
O voso irmán e amigo,
Fernando García Cadiñanos
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
