Ortigueira modernizará o seu servizo de limpeza coa compra dun novo camión do lixo

O Concello investirá 200.000 euros neste vehículo de gran capacidade para mellorar a eficiencia da recollida selectiva e a seguridade dos operarios
Ortigueira, 27 de febreiro de 2026. O Concello de Ortigueira reforzará a súa frota municipal do servizo de limpeza mediante a licitación para a compra dun novo camión recolector compactador de residuos sólidos urbanos. Este investimento, que ascende a 200.000 euros, permitirá ao Concello contar cunha maquinaria máis moderna e eficiente, deseñada para optimizar a recollida selectiva.

O futuro camión contará cunha masa superior ás 18 toneladas e destacará pola súa gran capacidade de carga, o que permitirá axilizar as rutas diarias e reducir os tempos de desprazamento. Ademais, o prego técnico contempla a incorporación de sistemas de seguridade avanzados, como cámaras de visión traseira de alta definición e dispositivos de control de presenza para protexer a integridade dos operarios durante as manobras de carga.

As empresas interesadas en subministrar este equipamento teñen ata o próximo 5 de marzo para presentar as súas ofertas.

O alcalde de Ortigueira, Valentín Calvín, destaca que este novo camión do lixo “supondrá un salto de calidad en los servicios básicos del municipio”. Segundo manifesta, o obxectivo é “dotar a los trabajadores de este servicio de las mejores herramientas posibles para que la recogida diaria de residuos sea más rápida, eficaz y sobre todo, más segura”.