Os populares lamentan que o PSOE estea “máis preocupado por blanquear o caso Tomé” que pola xestión da provincia e de solucionar as necesidades dos lucenses
Lugo, 3 de marzo de 2026. A presidenta do PP lucense, Elena Candia, presidiu esta tarde a xunta directiva do Partido Popular da provincia de Lugo na que participaron os conselleiros Diego Calvo e Fabiola García, unha xuntanza na que o PP de Lugo amosou “a unidade do Partido Popular como alternativa real de goberno fronte a un PSOE inmerso en constantes liortas internas e preocupado por blanquear o caso José Tomé e un BNG unicamente preocupado de manter a vicepresidencia da Deputación”.
Dende o PP de Lugo consideran que o silencio do Partido Socialista xa non é unha opción. “O PSOE non pode seguir escondendo a cabeza nin amparando a José Tomé, ao que manteñen na alcaldía de Monforte. Estamos ante unha querela da Fiscalía, non ante unha simple sospeita. É hora de que dean explicacións aos lucenses sobre se este é o modelo de conduta que defenden para os seus cargos públicos”.
O BNG ATADO Á VICEPRESIDENCIA
Os populares tamén poñen o foco na “incoherencia absoluta” do BNG que mentres se di ser defensor do feminismo “a realidade amosa que o único que lle preocupa é manter os cargos e os salarios”.
“O BNG non ten saída ética; aceptou o voto de Tomé para manterse na vicepresidencia e mantén o seu apoio para non perdela”, denuncian.
Dende o PP de Lugo apuntan ao BNG como “o cómplice necesario para manter a parálise e a deshonra nunha institución que representa a todos os concellos da provincia e que é noticia por escándalos, en lugar de por colaborar dilixentemente con todos os municipios e os seus veciños”.
Para os populares a situación de José Tomé é “insostible”. “A Deputación de Lugo merece unha presidencia libre de calquera sospeita de delitos que atenten contra a dignidade das persoas. A provincia non pode ser noticia nacional por escándalos xudiciais deste calibre. Lugo merece respecto e un goberno centrado na xestión, non na defensa xurídica do seu presidente”.
Ante esta situación, o PP de Lugo amósase “como a opción que garante a estabilidade institucional na Deputación de Lugo, un partido propositivo, que seguirá traballando dende a humildade, a escoita e a coordinación coa convicción de que o proxecto do PP é o futuro da provincia”.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A saída será ás 10:00 desde El Bao, con autobuses ás 9:00 desde Navia, e a chegada arredor das 16:30 seguida dunha festa na dársena. As inscricións estarán abertas do 31 de maio ao 12 de xuño na Casa do Deporte ou en liña por 7 €. O Concello anima a participar nesta cita que combina natureza, deporte e convivencia.
