Carme da Silva: “A Galiza ten que seguir sendo un mar de portos vivos e con futuro. O sector pesqueiro non pode ser sacrificado e entregado ante os intereses das eléctricas”
Madrid, 3 de marzo de 2026. A senadora do BNG exixe ao Ministro de Agricultura, Pesca e Alimentación atender o chamamento do sector pesqueiro galego e, por prudencia, non convocar ningunha poxa para a instalación de eólica mariña mentres non exista información e conclusións fundamentadas. Carme da Silva sinala a Luis Planas que “o sector pesqueiro non pode ser sacrificado nin entregado aos intereses das eléctricas” e reclama un Goberno do Estado que defenda un sector “motor económico e social de comarcas enteiras da Galiza”.
Ante a intención do executivo de acelerar a implantación da eólica mariña abrindo o proceso de poxa para implantar instalacións de eólica mariña flotante, a senadora nacionalista participou da sesión de control ao Goberno para reclamar unha viraxe e defender os intereses do sector pesqueiro galego frente ás presións das eléctricas.
“Señor Ministro, atenda o chamamento do sector que unanimemente reclama prudencia e que non se convoque ningunha poxa mentres non exista información e conclusións fundamentadas” demanda Carme da Silva, evidenciando a falta de datos que existe na actualidade sobre a afectación da eólica mariña flotante ao sector pesqueiro e aos ecosistemas mariños.
De facto, lembra a senadora do BNG durante a sesión de control, o único que recoñece o Documento Inicial estratéxico dos POEM de segundo ciclo son “dúas cuestión gravísimas: que a tecnoloxía eólica flotante non está madura e que a información sobre a afectación á actividade pesqueira é, literal, inexistente ou incompleta”.
“Faltan datos importantes sobre as zonas de traballo para a frota de menos de 12 metros de eslora, ou sobre a afectación dos distintos ecosistemas: sobre as migracións –como da anguía-, os cetáceos, as zonas de desove de distintas especies, ou dos campos electromagnéticos polo cableado de transporte e a súa afectación á pesca” enumera.
Lamentabelmente, denuncia Carme da Silva, o Ministerio de Agricultura, Pesca e Alimentación recoñece que non ten estudos sobre a afectación da eólica mariña flotante ao sector pesqueiro e aos ecosistemas mariños. Unha cuestión, opina a senadora do BNG, que debería ser fundamental á hora de impulsar ou non a eólica mariña e a súa instalación na costa galega.
“A Galiza ten que seguir sendo un mar de portos vivos e con futuro”
“Non podemos consentir que se sacrifique o noso mar e se continúe agredindo a un sector pesqueiro que representa –no seu conxunto- 5% do PIB galego e, polo tanto, un sector motor económica e social de comarcas enteiras da Galiza” afirma con contundencia. A Galiza, recorda, é a primeira potencia pesqueira do Estado e unha das primeiras da Unión Europea cunha frota de preto de 4.200 embarcacións.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
