O programa inclúe actos institucionais, accións simbólicas, proxeccións audiovisuais e iniciativas de sensibilización nos centros educativos
Burela, 4 de marzo de 2026. O Concello de Burela conmemora o 8 de marzo, Día Internacional da Muller, cun programa de actividades aberto á veciñanza e dirixido a diferentes idades, que combina actos institucionais, propostas culturais e accións educativas ao longo do mes.
O acto central terá lugar o domingo 8 de marzo ás 17:30 horas no Parque Rosalía, onde se fará a lectura do Manifesto Institucional. A continuación, desenvolverase a actividade participativa Sementando Igualdade, que segundo explicou a concelleira de Igualdade Sandra Fernández “consistirá na plantación de flores lilas como xesto simbólico no parque onde xogan as nosas crianzas, unha maneira de lembrar que o futuro tamén se constrúe educando en igualdade dende os primeiros anos”.
A programación incluirá dúas proxeccións abertas ao público nos días posteriores para reflexionar sobre a memoria e o papel das mulleres na historia. A primeira será o xoves 12 de marzo, ás 20:00 horas, no Salón de Plenos da Casa do Concello onde se proxectará o documental Alén dos silencios, seguido dun coloquio coa súa directora, Carmen P.G. Granxeiro. A segunda terá lugar no Auditorio Municipal, que acollerá a proxección do filme Nación, dirixido por Margarita Ledo Andión o venres 13 de marzo, ás 20:00 horas.
No ámbito educativo, desenvolverase nos CEIP e IES da vila o Escape Room pola Igualdade “Estrelas” ao longo do mes de marzo, unha actividade de sensibilización dirixida ao alumnado de primaria e secundaria.
Como parte da conmemoración do 8M, durante eses días iluminaranse de violeta a Casa do Concello e diferentes prazas do municipio como símbolo do compromiso institucional coa igualdade.
Ademais, o sábado 7 de marzo ás 17:30 horas na Praza de Abastos, o Colectivo de Mulleres do 8M de Burela organizará un obradoiro de pancartas reivindicativas aberto á participación da veciñanza.
A alcaldesa de Burela, Carmela López, explicou que “a igualdade constrúese día a día” e que, por iso, “os símbolos violetas no Concello e no Parque Rosalía teñen forza: non son decoración, son unha declaración da sociedade que queremos ser”
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
Destacou o apoio da Deputación ao sector primario a través da Granxa Gayoso Castro, centro de referencia en recría, formación e innovación. O evento, organizado pola Asociación Pura Raza Cabalo Galego, incluíu o concurso morfolóxico de distintas categorías —ponis, cabalos do país, cruzados, percheróns, Pura Raza Galega e andadura serrada e chapeada— e unha exhibición de doma de alta escola con eguas de pura raza galega.
Nesta ocasión, a homenaxeada foi a de Román. Tras unha recepción ás portas do concello, a veciñanza da parroquia desprazouse a pé ata a Igrexa de Santa María co grupo tradicional Cerna de Árbol. Na misa, cantada pola Coral Polifónica Vilalbesa, realizáronse as ofrendas e púxose en valor a tradición “dos canteiros e os traballos en pedra” en Román, unha parroquia cun destacado patrimonio histórico e cultural. Tras a celebración na igrexa, os veciños e veciñas de Román compartiron uns pinchos de fraternidade no Centro Cultural.
A celebración estivo organizada pola asociación cultural Ourofest coa colaboración do Concello do Valadouro e contou co apoio do Goberno galego. Villares participou na celebración litúrxica, que contou coa actuación do coro da Escola de Música ‘Ao Compás do Río Ouro’, e compartiu coa veciñanza esta xornada festiva de especial arraigo na localidade.
O corte afectará ao tramo que vai desde o principio da vía ata o punto quilométrico 0,900. Para facilitar a execución das obras, será necesario que non haxa vehículos estacionados nese treito. Os traballos, executados pola empresa Jose No Mantiñan E Hijos Construcciones, S.A., forman parte dun proxecto conxunto para a mellora e acondicionamento de varias estradas provinciais no municipio de Xove, cun investimento total superior aos 800.000 euros.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Daniel García reafirmou o apoio ao festival, que conta cunha colaboración estable e continuada da Vicepresidencia provincial desde a primeira edición e valorou "o impulso que a Asociación Fanto Fantini lle dá ano a ano ao festival, cun programa que vai máis alá do cartel musical e que profundiza na súa identificación e o seu vínculo con Burela e coa Mariña". A Vicepresidencia da Deputación achega 25.000 euros ao patricinio desta edición do Osa do Mar.
