Candia defende a necesidade de reforzar o apoio aos autónomos e ao comercio local, cun plan permanente para dinamizar a actividade económica e de mellorar a accesibilidade, o aparcamento e a seguridade nas zonas comerciais
Lugo, 12 de marzo de 2026. A presidenta do PP e voceira municipal, Elena Candia, a deputada lucense no Congreso Cristina Abades e a concelleira e portavoz de Economía do Partido Popular no Parlamento de Galicia Cristina Sanz mantiveron unha reunión de traballo con membros dos colectivos de Lugo Monumental e Mulleres Líderes de Galicia para escoitar de preto a realidade dos traballadores e traballadoras por conta propia, os autónomos e autónomas, que “son parte fundamental da tecido produtivo da nosa provincia”.
As populares quixeron achegar algunhas das medidas de apoio ao colectivo por parte do Partido Popular, ademais de recoller as demandas dos autónomos e autónomas para incorporar ao Plan Integral do Autónomo avanzado por Feijóo que se pode simplificar en “menos impostos e trabas, máis protección e facilidades para medrar”.
As principais medidas recollidas nun decálogo son: a exención do IVE a quen factura menos de 85.000 euros; Tarifa Cero para novos autónomos; redución anual das declaracións (de catro a dous ou a unha); o non pago das cotizacións durante un ano polo primeiro empregado contratado e a bonificación ao 50% do segundo; a exención do pago das cotizacións polas baixas por enfermidade grave; facilidades para traballar despois da idade de xubilación co 100% da pensión; non penalizar a pluriactividade non cotizando por enriba da base máxima; a exención de cotas durante dous anos tras a paternidade e maternidade; equiparación dos dereitos por lactación e clarificación e incremento das deducións de gastos.
Os autónomos e autónomas coincidiron en sinalar a “falta de persoal e de relevo xeracional” e as dificultades para emprender toda vez que “o Goberno de Pedro Sánchez prexudica a quen traballa”, segundo manifestaron as populares.
Pola contra, o Goberno galego puxo en marcha nos últimos anos medidas para facilitar o traballo autónomo como: a cota cero para apoiar novas altas, a unificación das axudas nunha única orde para simplificar trámites ou o Bono Remuda, para seguir impulsando a continuidade dos negocios.
FACILIDADES DENDE O ÁMBITO LOCAL
Elena Candia compartiu tamén con autónomas lucenses propostas para facilitar o seu traballo indicando que o Concello debe ser un aliado das iniciativas empresariais.
A voceira municipal defende a necesidade de reforzar o apoio aos autónomos e ao comercio local, cun plan permanente para dinamizar a actividade económica. E incidiu tamén na necesidade de mellorar a accesibilidade, o aparcamento e a seguridade nas zonas comerciais, así como garantir que os comerciantes participen nos proxectos municipais que poidan afectar aos seus negocios como é o caso do Plan de Mobilidade que aprobou o goberno lo PSOE e do BNG.
Arxentina de nacemento e viveirense de corazón, retomou en Galicia a súa vocación artística e atopou na escultura a súa forma de expresión. A súa obra céntrase en figuras humanas cargadas de emoción, en soidade ou en relación cos outros. A exposición reúne pezas seleccionadas e premiadas en certames de Madrid, Barcelona, Valdepeñas e Florencia nos últimos oito anos, que agora regresan —como a súa autora— á casa. Poderá visitarse ata o 29 de agosto.
A clasificación final quedou do seguinte xeito: en Sub-10, Los 5 FC proclamáronse campións, seguidos de Los Balones; en Sub-12, o primeiro posto foi para Aston Birra, seguido de Minavo de Kiev e The Blues Bananas; en Sub-15, o equipo Piti levou o título, seguido de PDC e Camoca; en Sub-17, PDC acadou o primeiro posto, por diante de Papa Cu Leti e Motototo; e na categoría Sénior, Motototo resultou gañador, seguido de Descansa e Texeira Lima. As medallas foron entregadas pola alcaldesa, Dolores García Caramés, acompañada polos concelleiros José Manuel Balseiro e Alfredo Fernández, que felicitaron a todos os participantes polo seu esforzo e deportividade.
As reservas poderán realizarse por teléfono, chamando ao 982 560 162, ou a través do correo electrónico cultura@viveiro.gal, en horario de 9:00 a 14:00 horas. Cada persoa poderá solicitar un máximo de catro entradas. Desde o Concello de Viveiro anímase á veciñanza a asistir a esta representación e lembra que as reservas se atenderán a partir da apertura do prazo.
A clasificación final situou a Braulio Gayoso (TM Luarca) como gañador, seguido de Eugenio Alonso (CD San Ciprián), e dun terceiro posto compartido por Carlos Ron (Atletic Génova TM) e Domingo Larriety (TM Luarca). A alcaldesa de Cervo, Dolores García Caramés, entregou os trofeos e destacou o éxito dun torneo que xa se consolidou como unha cita imprescindible do calendario deportivo estival. O Concello felicita aos gañadores, a todos os participantes polo alto nivel amosado durante a xornada e ao CD San Ciprián pola excelente organización dun evento que continúa reforzando o seu papel como referente do tenis de mesa no norte peninsular.
Durante o evento realizouse unha ofrenda aos mariñeiros falecidos e, seguidamente, tivo lugar a subida da imaxe da Virxe do Carme ata a Igrexa. Esta última xornada continuou cunha misa solemne, á que asistiron numerosos veciños e visitantes que se achegaron ata a localidade mariñá, seguida da procesión acompañada pola Banda Naval e de actuacións musicais. A programación completarase a partir das 17:00 horas con diferentes actividades para os máis cativos e cativas.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
