Ribadeo, 14 de marzo de 2026. Coa presentación este mediodía do Decálogo Local pola Corresponsablidade remataron en Ribadeo as Xornadas Profesionais nas que se deron cita, onte e hoxe, medio cento de persoas.
A concelleira de Igualdade, Begoña Sanjurjo, fixo unha valoración positiva e apostou “por reflexionar de que o coidado é unha capacidade humana que temos todas e todos, homes e mulleres, non é so unha capacidade feminina”. A edil ribadense dixo que “as mulleres dedícanse máis aos coidados, pero é algo cultural. A cultura pódese cambiar”.
Sanjurjo subliñou que “estaremos en igualdade de condicións cando compartamos o descanso, non cando so compartamos o traballo. Compartir os coidados, compartir os traballos fai que compartamos tamén descanso e o tempo de ocio, o benestar e a calidade de vida e iso é o que todos queremos”.
Hoxe pasaron polas Xornadas Profesionais de Corresponsablidade as activistas feministas e creadoras de contido social Towanda Rebels, que falaron de cambiar os relatos para cambiar os coidados. E houbo tamén unha mesa redonda, que contou con representantes de FAGAMOS e ACOUGO, que abordou a necesidade de coidar en común.
Begoña Sanjurjo agradece “a asistencia a estas xornadas coas que o que pretendemos é crear conciencia e que as cousas vaian cambiando ata chegar á total igualdade e corresponsabilidade nos coidados. É o que todos e todas queremos, unha sociedade xusta e igualitaria”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
