Viveiro, 18 de marzo, 2026. A proposta do BNG para crear un Plan de Mantemento e Mellora Urbana de Viveiro foi rexeitada polo PP e Por Viveiro, o que, segundo a portavoz nacionalista Iria Cotelo, supón “non só a inacción habitual do goberno, senón tamén un estorbo para as propostas en positivo”.
A iniciativa permitiría realizar inspeccións periódicas nos barrios e rúas, escoitar á veciñanza, identificar as necesidades máis urxentes e programar actuacións por fases e prioridades, con datas fixadas no calendario.
Cotelo sinala que “a veciñanza está a padecer un constante deterioro do espazo público e do mobiliario urbano: papeleiras, sinalizacións e postes de alumeado en mal estado; baldosas soltas; parques infantís deteriorados ou espazos que precisan dunha limpeza máis frecuente. Hai que pisar as rúas e escoitar as necesidades da veciñanza, que é quen mellor coñece os problemas da súa contorna”.
Engade que “somos conscientes das limitacións do noso concello, no que gran parte do esforzo de mantemento recae nun persoal moi reducido que apenas alcanza a atender as necesidades do día a día. Precisamente por iso é necesario ir un paso máis alá e traballar cunha planificación que permita avanzar e mellorar o estado do noso entorno”.
O BNG lembra que “é posible facer máis, e nós demostrámolo no goberno: elaboramos proxectos como o da Praza de Abastos, renovamos a fachada do Parque Pernas Peón, deseñamos un plan de liñas frecuentes de bus urbano e elaboramos o plan de accesibilidade. Son exemplos de que planificar é posible, pero para iso hai que querer executar. E o Partido Popular, nin planifica nin executa, limitándose á inacción”.
Segundo o grupo nacionalista, “o PP, arroupado por Por Viveiro, recoñece que non quere facer máis. Pero sen proxectos e sen planificación, Viveiro perde financiamento e oportunidades de avanzar. Durante este ano, o Partido Popular non presentou nin unha proposta inédita, só anuncia iniciativas herdadas”.
Cotelo conclúe que “Viveiro non pode seguir limitado ao plan de festas e festexos, que marcan puntualmente o calendario de actuacións no espazo público. O noso concello merece proxectos máis ambiciosos en canto ao coidado do entorno urbano, tanto para a veciñanza como para as persoas que nos visitan. Rexeitar a proposta de mellora do BNG supón que o PP e Por Viveiro lle dean as costas á veciñanza, que reclama con urxencia un cambio no coidado e na imaxe de Viveiro”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
