Constantino Fernández Leira atribúe a aprobación das contas á negativa do BNG a apoiar unha alternativa de goberno progresista e insiste en que as ausencias no pleno responderon a causas de forza maior
A Pastoriza, 27 de marzo de 2026. O PSdeG da Pastoriza, a través do seu voceiro, Constantino Fernández Leira, reafirmou hoxe o seu voto en contra dos orzamentos municipais aprobados polo goberno do Partido Popular e subliñou que a súa posición é “clara e coherente fronte a un modelo de xestión co que non estamos de acordo”. “Votamos en contra dos orzamentos do PP porque non responden ás necesidades da veciñanza nin ao modelo de concello que defendemos para A Pastoriza”.
O Grupo Municipal socialista insistiu en que a ausencia de dous dos seus concelleiros no Pleno responde “única e exclusivamente a causas de forza maior”, derivadas de problemas de saúde, rexeitando calquera intento de xerar dúbidas sobre o seu compromiso. “Non imos aceptar insinuacións interesadas cando falamos de situacións persoais que impediron a súa presenza”, engadiu Fernández.
Fronte ás críticas dos nacionalistas, o PSdeG considera que “o que a veciñanza merece saber é quen está permitindo que o PP siga gobernando e aprobando os seus orzamentos ano tras ano, que é o BNG”. “Se na Pastoriza hai un alcalde do PP e se aproban os seus orzamentos dende hai tres anos é única e exclusivamente responsabilidade do Grupo Municipal do BNG, que se negou dende o primeiro día a cumprir o pactado no seu día polo seu partido a nivel Galicia”, afirmou Fernández Leira.
Segundo explicou, estes acordos establecen a conformación de gobernos de progreso nos concellos de Galicia onde o PP non conta con maioría absoluta, dando a alcaldía á forza máis votada. “Neste caso é o PSdeG, pero o BNG negouse sistematicamente a apoiar esta alternativa, permitindo que o PP continúe na alcaldía”, incidiu.
Fernández Leira fai un chamamento ao BNG para que rectifique a súa postura e cumpra cos compromisos adquiridos e pase “das palabras aos feitos”. “Se non queren que siga gobernando o alcalde do PP nin que continúen sacando adiante os seus orzamentos, teñen moi fácil cambiar esta situación”, apuntou.
O Grupo Municipal socialista foi contundente ao reiterar a súa disposición a impulsar unha moción de censura inmediata. “Mañá mesmo podemos presentar unha moción de censura entre ambas forzas para conformar un goberno de progreso e que a alcaldía recaia en quen lle corresponde segundo os acordos asinados, que é o candidato socialista”, concluíu Fernández Leira.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Ao acto están convidadas a directora xeral de Desenvolvemento Rural e Industrias Agrarias, Mª Begoña López Fernández; o director xeral do Medio Natural, David Villar García; así como as alcaldías dos 14 municipios que forman parte da Reserva, entre outras autoridades.
O Concello destaca que este logro é resultado do esforzo, da dedicación e da paixón polo deporte que o arqueiro demostra en cada competición, levando o nome de Cervo e do seu club ao máis alto. A administración local subliña o orgullo que supón contar con deportistas que representan valores como o traballo, a constancia e a superación.
Tras o éxito das edicións anteriores, poderán participar maiores de idade e asociacións sen ánimo de lucro con polo menos 25 artigos usados, como roupa, libros, mobles ou electrodomésticos.
A iniciativa forma parte do Plan de Sostibilidade Turística en Destino Xacobeo 2021, financiado con fondos europeos Next Generation. No acto proxectouse o tráiler e un capítulo completo. Tras a estrea, os contidos difundiranse nas redes sociais e no YouTube municipal, e no verán organizarase un novo evento para ver a serie íntegra.
Non deben prematricularse quen continúe co mesmo instrumento nin quen opte a talleres, Música e Movemento, Pandeireta ou Instrumentos Tradicionais, que se inscribirán en setembro. As solicitudes presentaranse no rexistro do Concello ou na sede electrónica, sen garantir praza. O alumnado xa matriculado mantén a súa praza se formaliza a matrícula entre o 1 e o 9 de setembro. A Escola contactará na primeira semana de setembro para confirmar dispoñibilidade segundo o Regulamento interno.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
