A xuntanza celebrada este venres reuniu a veciñanza e persoas usuarias de distintas entidades sociais para compartir creacións arredor da igualdade e a diversidade
Burela, 28 de marzo de 2026. O Concello de Burela, a través da Área de Inmigración, celebrou unha xuntanza participativa enmarcada na programación organizada con motivo do Día Internacional contra a Discriminación Racial. Durante o encontro déronse a coñecer os traballos deste ano 2026 realizados dentro desta iniciativa municipal, que recollen creacións en distintos formatos centradas na loita contra o racismo, a promoción da diversidade cultural e a defensa do respecto e a convivencia intercultural.
O acto, celebrado no salón de plenos, contou coa participación de público xeral e persoas usuarias da Fundación Eu Son, Saúde Mental A Mariña e Cruz Vermella, que compartiron as súas propostas e reflexións nun espazo aberto de intercambio de experiencias.
Os traballos presentados durante a xuntanza incorporaranse á exposición que se pode visitar na Casa da Cultura ata o vindeiro 10 de abril, unha mostra que recolle unha selección de creacións realizadas en edicións anteriores arredor da loita contra a discriminación racial e a favor da convivencia intercultural, con participación de veciñas e veciños de distintas idades e procedencias.
O tenente de alcaldesa e concelleiro de Inmigración, Mario Pillado, agradeceu a participación dos asistentes e engadiu que “foi unha experiencia marabillosa poder compartir cos asistentes os seus traballos e reflexións, escoitar os seus puntos de vista e gozar xuntos e xuntas dun momento tan especial por unha causa tan importante”.
Segundo explicou o concelleiro, a programación municipal continuará nas vindeiras semanas con actividades dirixidas aos centros educativos, entre as que se inclúen propostas como a “Oca Inmigrante e a visita dunha persoa referente no ámbito das migracións, que compartirá a súa experiencia vital co alumnado”.
O encontro, aberto ao público, terá lugar na Casa Museo Álvaro Cunqueiro e será moderado por membros da propia asociación. A sesión busca reflexionar colectivamente sobre a posibilidade de que Mondoñedo aspire a ser recoñecida como Patrimonio da Humanidade, abordando a cuestión desde perspectivas históricas, patrimoniais, artísticas, naturais e humanísticas. A actividade comezará ás 11:00 h e a organización anima a toda a veciñanza a participar e compartir opinións.
Celebrarase o venres 29 de maio ás 17:00 h e será gratuíta. Abordará o papel dos poliquetos no ecosistema mariño, as súas características e os riscos do uso de especies exóticas, con proxeccións e maquetas de varias especies empregadas como cebo. Impartiraa o grupo BIOCOST da Universidade da Coruña e está organizada por Posta de Encontro xunto con RedeMar, Xunta de Galicia, Federación Galega de Confrarías e a UDC. Reservas: WhatsApp no 634 97 08 86; 982 13 19 23; buenas@capturaspesca.com ou directamente na tenda Capturas Pesca, onde se celebrará o evento (Av. Leopoldo Calvo Sotelo 49, Ribadeo).
O Concello informa de este mércores producirase un corte no subministro de auga en varias parroquias con motivo das obras de abastecemento que se están a realizar en Landrove. As zonas afectadas serán as parroquias de Chavín, San Pedro, Valcarría, Landrove, Galdo e Magazos ata Ruanova. O corte está previsto entre as 9.00 e as 15.00 horas aproximadamente, polo que se recomenda á veciñanza que tome as medidas oportunas durante esa franxa horaria. Desde o Concello pídeselle comprensión á cidadanía polas molestias que esta incidencia poida ocasionar e lémbrase que se trata dunha afección puntual derivada dunha actuación necesaria para a mellora da rede de abastecemento.
O Comité de Empresa de Alúmina‑Aluminio San Cibrao informa de que a Secretaría de Industria convocou ao comité á 19ª reunión de seguimento do acordo de viabilidade, que se celebrará o venres 15 de maio ás 12:30 horas na Delegación do Goberno en A Coruña. Unha vez rematada a reunión, o comité procederá a informar aos traballadores sobre os resultados e avances do encontro.
A iniciativa, organizada polos concellos de Navia, Coaña e Villayón xunto coa asociación AISPA, reuniu máis de 70 persoas. Explicáronse requisitos, prazos e novidades dun proceso cuxo prazo remata o 30 de xuño. Os tres municipios detectaron a necesidade de ofrecer información e apoio á poboación migrante para facilitar a súa regularización e acceso ao emprego, especialmente nun momento no que sectores como os coidados, a construción e o metal precisan man de obra. Os concellos valoran a alta participación e lembran que para dúbidas adicionais está dispoñible o teléfono 655 608 610.
A participación estará aberta do 14 ao 18 de maio, e a persoa gañadora poderá escoller entre cinco modelos diferentes. A propietaria, Susana Moreira, fai un balance moi positivo desta década, na que o negocio evolucionou ata centrarse en mercería, venda de la e artigos artesanais elaborados por ela mesma. Ademais, ofrece arranxos de roupa e organiza cursos e talleres de ganchillo, calceta e bordado, como o previsto para o 23 de maio. A maior parte da clientela e das persoas que participan nas actividades son mulleres, aínda que tamén acoden nenos e mozos interesados en técnicas como os amigurumis.
Será este xoves, día 14 de maio, ás 19:00 horas no salón de actos do Concello. O mago Pedro Bugarín presentará o seu espectáculo titulado Galicia con maxia. Para esta actividade o Concello de Lourenzá conta coa colaboración da Deputación de Lugo.
