Os populares cren que “os intereses de Vilalba deben situarse por enriba de dinámicas políticas externas” e que “o BNG terá que explicar aos vilalbeses para que vota en contra dos orzamentos se despois non acepta ningunha solución alternativa”
Vilalba, 21 de abril de 2026. “O BNG e Vilalba Aberta non están para dialogar, senón polo non a todo”, segundo advirten dende o PP Vilalba trala negativa de ambas forzas a manter reunións de traballo que tiñan proposto os populares a pasada semana para “dar resposta ás necesidades do Concello e dos vilalbeses”. Pero, “o BNG eliminou, dun día para outro, a pesar de que xa tiñamos data marcada e Vilalba Aberta non quere dialogar nin reunirse con nós”, explican.
O Partido Popular de Vilalba reiterou a súa vontade de diálogo e colaboración co resto de forzas políticas do municipio co obxectivo de desbloquear a situación actual do goberno no Concello onde a alcaldesa, a socialista Marta Rouco, “non logrou aprobar os orzamentos municipais, nin superou unha cuestión de confianza á que chegou abocada pola súa propia soberbia e arrogancia”.
Os populares explican que “o representante do BNG non puxo, nun principio, impedimento ningún a reunirse co PP vilalbés”. De feito, “había data marcada”. “Pero a raíz das últimas noticias sobre a posible moción de censura en Lugo anulou a reunión”, apuntan. O PP cre que “os intereses de Vilalba deben situarse por enriba de dinámicas políticas externas”.
Pero “o BNG parece estar máis pendente de resolver os problemas do seu partido que os problemas dos vilalbeses”. Polo que cren que “terá que explicarlles aos veciños e veciñas para que votou en contra dos orzamentos municipais se non acepta ningunha solución alternativa. É un claro caso do non polo non do BNG”.
Vilalba Aberta tamén rexeitou a posibilidade de manter un encontro co Partido Popular. Para os populares, esta negativa súmase á xa expresada por outras formacións como o BNG e o PSOE o que, ao seu xuízo, “evidencia unha postura conxunta de rexeitamento a calquera iniciativa que proveña do grupo popular”.
Desde o PP de Vilalba cren que “todo isto deixa claro o futuro político de cara ás vindeiras eleccións municipais: Vilalba Aberta e BNG sempre van apoiar a cegas ao PSOE”. Polo tanto, hai dúas opcións: “ou o PP saca maioría absoluta ou repetirase a situación de inestabilidade dun goberno de esquerdas”.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
