Foz, 23 de abril, 2026. A Mancomunidade de Concellos da Mariña Lucense participou este xoves na presentación oficial da Asociación Profesional de Obradoiros Artesáns da Mariña, unha entidade que nace co obxectivo de fortalecer o sector artesán da comarca mediante a cooperación, a profesionalización, a formación e a innovación. A nova asociación aspira a impulsar a viabilidade económica dos obradoiros, promover a comercialización da artesanía e reforzar a súa vinculación co territorio, a sostibilidade e o turismo cultural do xeodestino.
A creación desta entidade culmina un proceso iniciado en 2011 coa posta en marcha dun rexistro de artesáns e artesás, co que a Mancomunidade buscaba situar a artesanía como un atractivo turístico da Mariña. A partir dese momento desenvolvéronse iniciativas como o proxecto Alma de Artesanía, posteriormente Rutas de Artesanía e hoxe A Mariña Artesá, que fomentaron o traballo en rede entre profesionais do sector e axentes turísticos, xerando experiencias vinculadas á identidade local e ao orgullo de pertenza.
Co paso dos anos, este traballo consolidouse nun produto turístico estruturado e sostible, centrado na experiencia e na participación activa do visitante. A reflexión realizada en 2023, no marco do Plan de Sostibilidade Turística en Destino e da Estratexia de Marketing da Mariña Lucense, permitiu definir un plan de acción orientado a reforzar a artesanía como recurso identitario, mellorar a súa promoción e avanzar na gobernanza do sector. Froito deste proceso, e da colaboración continuada entre a Mancomunidade e o colectivo de artesáns, xorde agora a nova asociación profesional.
O acto de presentación celebrouse no Cenima e contou coa participación da presidenta da Mancomunidade, Rocío López; o alcalde de Foz e deputado da Área de Recursos Sostibles, Francisco Cajoto; o presidente da nova asociación, Marcelo Scapinachis; e a xefa de área provincial de Turismo da Xunta en Lugo, Paloma Vázquez, ademais de representantes municipais, asociacións de comerciantes, servizos turísticos e numerosos profesionais da artesanía.
Na súa intervención, Rocío López destacou que A Mariña Artesá representa “un modelo turístico sostible baseado na identidade local, na calidade e na participación”, e subliñou que a colaboración institucional e a planificación permitiron converter a artesanía nun motor de desenvolvemento. Agradeceu o apoio da Deputación de Lugo e da Xunta de Galicia a través dos convenios anuais de turismo, e felicitou ao novo colectivo pola súa constitución, que cualificou como “un paso clave para a defensa, promoción e dignificación da nosa artesanía”.
A presidenta lembrou tamén as accións impulsadas nos últimos anos: encontros co sector para elaborar o plan de acción, coordinación cos organismos de artesanía de Galicia e da provincia, o estudo e caracterización da artesanía da Mariña, a mellora da imaxe promocional, a difusión do produto e a organización de programas como Obradoiros con Corazón e Plans con Corazón.
Pola súa banda, o deputado provincial e alcalde de Foz, Francisco Cajoto, salientou que a Deputación mantén unha colaboración constante coa Mancomunidade e valorou que a nova asociación simboliza “unión, compromiso e unha maneira intelixente de mirar cara ao futuro”. Destacou que A Mariña Artesá “conecta concellos, crea sinerxías e constrúe un relato compartido”, e reafirmou o compromiso da institución provincial con proxectos que combinan tradición e innovación.
O presidente da asociación, Marcelo Scapinachis, explicou que o colectivo reúne xa ao 50% dos artesáns da comarca, lembrou o camiño percorrido desde 2011 e animou a máis profesionais a sumarse para continuar avanzando de maneira conxunta entre administracións, entidades e obradoiros.
Tamén participou o deputado Daniel García, quen trasladou o apoio da Vicepresidencia da Deputación de Lugo e puxo en valor a importancia de ferramentas colectivas como esta asociación para articular iniciativas de promoción e apoio ao sector, ofrecendo a colaboración do Centro de Artesanía e Deseño.
Arxentina de nacemento e viveirense de corazón, retomou en Galicia a súa vocación artística e atopou na escultura a súa forma de expresión. A súa obra céntrase en figuras humanas cargadas de emoción, en soidade ou en relación cos outros. A exposición reúne pezas seleccionadas e premiadas en certames de Madrid, Barcelona, Valdepeñas e Florencia nos últimos oito anos, que agora regresan —como a súa autora— á casa. Poderá visitarse ata o 29 de agosto.
Villares gabou o traballo do club Val de Francos, “que en tempo récord logrou situar esta cita entre as máis atractivas da provincia para os afeccionados á hípica”. Neste sentido, destacou a proxección que está a gañar este deporte e o impulso que recibe da Xunta, principalmente a través dun convenio coa Federación Hípica Galega polo que destina máis de 80.000 euros para as actividades a desenvolver este ano. A proba discorrerá por camiños forestais de terra, a excepción dos cruces de estradas, e constará de tres modalidades, con distancias de 80, 60 e 40 quilómetros respectivamente.
A clasificación final quedou do seguinte xeito: en Sub-10, Los 5 FC proclamáronse campións, seguidos de Los Balones; en Sub-12, o primeiro posto foi para Aston Birra, seguido de Minavo de Kiev e The Blues Bananas; en Sub-15, o equipo Piti levou o título, seguido de PDC e Camoca; en Sub-17, PDC acadou o primeiro posto, por diante de Papa Cu Leti e Motototo; e na categoría Sénior, Motototo resultou gañador, seguido de Descansa e Texeira Lima. As medallas foron entregadas pola alcaldesa, Dolores García Caramés, acompañada polos concelleiros José Manuel Balseiro e Alfredo Fernández, que felicitaron a todos os participantes polo seu esforzo e deportividade.
As reservas poderán realizarse por teléfono, chamando ao 982 560 162, ou a través do correo electrónico cultura@viveiro.gal, en horario de 9:00 a 14:00 horas. Cada persoa poderá solicitar un máximo de catro entradas. Desde o Concello de Viveiro anímase á veciñanza a asistir a esta representación e lembra que as reservas se atenderán a partir da apertura do prazo.
A clasificación final situou a Braulio Gayoso (TM Luarca) como gañador, seguido de Eugenio Alonso (CD San Ciprián), e dun terceiro posto compartido por Carlos Ron (Atletic Génova TM) e Domingo Larriety (TM Luarca). A alcaldesa de Cervo, Dolores García Caramés, entregou os trofeos e destacou o éxito dun torneo que xa se consolidou como unha cita imprescindible do calendario deportivo estival. O Concello felicita aos gañadores, a todos os participantes polo alto nivel amosado durante a xornada e ao CD San Ciprián pola excelente organización dun evento que continúa reforzando o seu papel como referente do tenis de mesa no norte peninsular.
Durante o evento realizouse unha ofrenda aos mariñeiros falecidos e, seguidamente, tivo lugar a subida da imaxe da Virxe do Carme ata a Igrexa. Esta última xornada continuou cunha misa solemne, á que asistiron numerosos veciños e visitantes que se achegaron ata a localidade mariñá, seguida da procesión acompañada pola Banda Naval e de actuacións musicais. A programación completarase a partir das 17:00 horas con diferentes actividades para os máis cativos e cativas.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
