Carmela López destacou que “a conectividade é unha das máximas prioridades deste Goberno, porque afecta directamente á calidade de vida da veciñanza de Lugo en termos de autonomía, benestar, desenvolvemento económico e acceso a oportunidades”
Lugo, 24 de abril de 2026. A Xunta de Goberno da Deputación de Lugo activou este venres máis de 1M€ para continuar mellorando a mobilidade. Así o informou a Presidenta provincial, Carmela López, tras a reunión semanal celebrada este mediodía no Pazo de San Marcos. “A accesibilidade territorial é unha das máximas prioridades deste Goberno, porque afecta á calidade de vida da veciñanza de Lugo en termos de autonomía, benestar, desenvolvemento económico e acceso a oportunidades”, destacou.
“Demostramos ese compromiso con feitos”, valorou a mandataria provincial, que sinalou que “unha semana máis seguimos avanzando nun modelo de conectividade máis segura, máis moderna e máis útil para toda a provincia”. Nese sentido destacou que a Xunta de Goberno sacou adiante un novo investimento para mellorar en Chantada a estrada que vai de Quizán das Peras a Mundín e rematou a contradeatación doutros catro proxectos “importantísimos” para nos concellos do Vicedo, Lugo e Negueira de Muñiz.
En Chantada, quedaron licitadas as obras da rehabilitación completa do firme LU-P-1819. A Deputación mellorará os máis de 3,7 quilómetros desta vía investindo preto de 280.000€. Os traballos consistirán na mellora da drenaxe, pavimentación con aglomerado en quente, o pintado da vía e a reposición da sinalización. Terán un prazo de execución de 4 meses desde que se inicien os traballos.
“Un arranxo que é moi demandado pola veciñanza. Porque a LU-P-1819 conecta as parroquias de Quinzán das Peras e Mundín. Dando servizo tamén a entidades de poboación importantes como Ferreiros, Nande ou Amorín”.
No Vicedo, a empresa CHOLO SL resultou adxudicataria de mellorar diferentes tramos da LU-P-6405, “unha vía moi turística no municipio que conecta co Alto de Moreiras”. A actuación servirá para renovar a drenaxe da vía, o estado do firme grazas ao aglomerado en quente e a sinalización cun investimento provincial de algo máis de 136.000€.
Ovisa Pavimentos y Obras SLU encargarase do proxecto para rehabilitar en Lugo a rúa Filarmónica, “que dá acceso a diferentes instalacións deportivas importantes para a cidade”. Carmela detallou que o ente provincial inviste preto de 100.000€ para repavimentar con aglomerado e sinalizar, ademais, está previsto o pintado na zona de aparcamento ao carón do Pazo dos Deportes e a instalación de pasos de peóns elevados. O prazo para executar estas obras é de catro meses.
Ademais, na Montaña, a empresa Cholo SL encargarase de realizar as obras de mellora de dúas estradas municipais en Negueira de Muñiz, “de vital importancia para o acceso diario de servizos básicos como o transporte escolar, as xestións administrativas ou á asistencia médica”. Concretamente, a institución provincial acondicionará a vía que une Carballín e Bustelo cun investimento de 200.000€ e a que conecta Negueira e Seira, con 140.000€. En ambos casos as obras consistirán na mellora da drenaxe e do firme con aglomerado e terán un prazo de execución de dous meses cada unha.
Maquinaria para o Parque Móbil
Licitada a contratación de dúas máquinas para o Parque Móbil, “que nos permiten renovar parque do equipamento deste servizo”. Dunha banda, a subministración dunha mini pala cargadora por algo máis de 70.000€ e doutra, unha mini compactadora tandem por máis de 90.000€. O prazo de entrega, nos dous casos, é de 30 días desde a formalización do contrato.
Este lume comezou o pasado mércores ás 13,35 horas e afectou finalmente unha superficie de 31,5 hectáreas de monte arborado. Para a súa extinción mobilizáronse, en total, 2 técnicos, 13 axentes, 27 brigadas, 24 motobombas, 3 pas, 3 helicópteros e 2 avións. 
Félix Jorquera pasou polos micrófonos de RadioVoz no Barco Museo Boniteiro Virxe do Carme ao concelleiro de Mar, Ramiro Fernández; á presidenta de Ledicia (entidade organizadora), Rocío Rivera; ao presidente da Fedaración estatal de confraría de pescadores, Basilio Otero; ao xerente de Expomar, José Manuel González; ao membro de Fanto Fantini (entidade organizadora do Festival Osa do Mar), Diego Campo; á pregoeira Paula Jorge Hora; ao cociñeiro Bruno Pena e á alcaldesa e Presidenta da Deputación, Carmela López.
O obxectivo deste aviso é que a cidadanía coñeza esta circunstancia con antelación e, especialmente, que as persoas con sensibilidade aos ruídos, así como as persoas propietarias de animais de compañía, poidan adoptar as medidas que consideren oportunas. O Concello agradece a comprensión e a colaboración durante estes días de celebración.
A obra, dirixida por Pepablo Patinho e preparada por rapaces de 10 a 14 anos ao longo do curso, servirá de antesala ao certame e permitirá visibilizar o labor formativo da Escola e o compromiso de Cariño co teatro desde idades temperás. O Concello anima á veciñanza e visitantes a asistir a esta cita que marca o inicio dunha nova edición na que o teatro volverá situar a vila como referente cultural galego.
Autoridades autonómicas, municipais e representantes da Apehl acompañaron o anuncio. O estand da marca estará na zona VIP da saída de cada etapa, onde se ofrecerán petiscos con produtos lucenses e material promocional, incluída a guía turístico-gastronómica. Cheché Real destacou a continuidade do proxecto e agradeceu o apoio institucional. A acción conta coa colaboración de numerosos consellos reguladores, entidades agroalimentarias e empresas da provincia.
Desde a entidade explican que “con este paso estratégico, la firma busca integrarse activamente en el tejido económico del municipio y colaborar de forma estrecha en la promoción de un modelo de turismo sostenible, desestacionalizado y respetuoso con el entorno natural…”. Engaden que “creemos que para proteger nuestro entorno primero debemos aprender a amarlo” e que “nuestra incorporación a ACISA representa una oportunidad idónea para crear sinergias con la hostelería, el comercio y los servicios locales”. Tamén sinalan que “la adhesión a la patronal ribadense refuerza el compromiso de la empresa con la calidad turística planificada de la zona”. Máis información en 
O evento reunirá artistas e agrupacións que representan a tradición musical da zona, nunha xornada pensada para reivindicar a historia sonora do Val e o legado das súas xeracións de músicos. A programación inclúe un obradoiro musical gratuíto para nenos de 5 a 12 anos, unha mesa redonda moderada polo escritor Lionel Rexes e unha ampla quenda de concertos con participación de intérpretes e grupos vinculados ao territorio. Durante todo o festival poderá visitarse a exposición fotográfica Aquí segue soando a música, que recolle imaxes antigas e actuais para mostrar a evolución musical da comarca desde comezos do século XX ata hoxe. A iniciativa conta coa colaboración do Concello do Valadouro, o Concello de Alfoz, a Xunta de Galicia, a Deputación de Lugo e o CENTRAD.
