Defenderán tamén unha moción para esixir ao Goberno galego un cambio de rumbo na política forestal e labores de prevención durante todo o ano
Lugo, 26 de abril de 2026. O Grupo Provincial Socialista levará ao vindeiro Pleno da Deputación de Lugo dúas mocións para esixir á Xunta que deixe de abandonar o interior da provincia e actúe con responsabilidade en dous ámbitos esenciais para a seguridade da veciñanza: as emerxencias e a prevención dos incendios forestais. Por unha banda, o PSdeG reclamará o reforzo da cobertura na montaña lucense, co estudo dun novo parque de bombeiros e a mellora dos GES; e, pola outra, demandará un cambio de rumbo na política forestal, cun operativo profesional, estable e con medios suficientes durante todo o ano.
A primeira das iniciativas pon o foco nas dificultades de resposta que padecen comarcas como A Fonsagrada, Os Ancares e Becerreá, onde os tempos de intervención desde os parques de bombeiros superan amplamente os límites recomendables e chegan, en moitos casos, a exceder os 60 minutos. Para o Grupo Provincial Socialista, esta situación evidencia que a Xunta non está garantindo a mesma seguridade a toda a veciñanza da provincia e que o PP segue permitindo que vivir no rural implique ter menos servizos e menos protección.
Por iso, o PSdeG instará ao Goberno galego a estudar, de maneira urxente e coordinada coa Deputación, a viabilidade de creación dun parque de bombeiros na montaña lucense que permita garantir tempos de resposta eficaces nas zonas actualmente desatendidas. A moción tamén reclama analizar a posible integración dos Grupos de Emerxencias Supramunicipais (GES) no Consorcio Provincial de Lugo, así como reforzar os medios humanos e materiais, avanzar na súa profesionalización progresiva e implantar un modelo de financiamento estable, equilibrado e plurianual.
A voceira provincial, Pilar García Porto, advertiu de que “a seguridade da veciñanza non pode depender do código postal no que viva” e subliñou que “a Xunta ten que deixar de mirar para outro lado mentres hai zonas da provincia nas que unha emerxencia pode tardar máis dunha hora en recibir resposta”.
Un cambio de modelo na prevención de lumes
A segunda iniciativa que o PSdeG levará ao Pleno reclama á Xunta un cambio de rumbo na política forestal e na prevención dos incendios. As e os socialistas lembran que Lugo foi en 2025 a segunda provincia galega máis afectada polos lumes e denuncian que, un ano despois, o PP segue sen corrixir as debilidades estruturais que deixaron o rural máis exposto ás lapas.
O Grupo Provincial Socialista denuncia que a estratexia da Xunta segue excesivamente centrada na extinción, deixando nun segundo plano a prevención, a restauración do territorio e os traballos de xestión da biomasa e mantemento do monte. Fronte a este modelo, reclama un operativo profesional, con medios suficientes e capacidade para traballar durante todo o ano, garantindo a presenza efectiva sobre o terreo dos recursos comprometidos.
A moción tamén pide que o Goberno galego deixe de descargar nos concellos responsabilidades que lle son propias e asuma directamente as tarefas de limpeza e mantemento das áreas de protección cando non as executen as persoas titulares, colaborando coas administracións locais en lugar de trasladarlles máis obrigas sen recursos suficientes.
Ademais, a iniciativa socialista incorpora a posta en marcha de plans de autoprotección e evacuación nas zonas de alto risco, así como o impulso das ferramentas de planificación forestal pendentes. Entre elas, a nova Lei de loita integral contra os incendios forestais, a aprobación en prazo do PLADIGA, a elaboración dos plans de ordenación dos recursos forestais en todos os distritos e a presentación, antes de rematar o ano, dun informe do seu grao de cumprimento no Parlamento de Galicia.
Pilar García Porto resumiu así o sentido conxunto das dúas iniciativas: “Estamos ante dous síntomas da mesma realidade: un PP que abandona o interior e que deixa ao rural con menos protección, menos medios e menos capacidade de resposta. Lugo non pode seguir asumindo as consecuencias dunha Xunta que chega tarde ás emerxencias, chega tarde aos incendios e chega tarde ás necesidades da veciñanza”.
A voceira socialista concluíu que “Lugo precisa un sistema de emerxencias próximo, estable e profesional, e unha política forestal que conecte a prevención coa recuperación económica e social dos territorios afectados. Iso é defender o rural con feitos, con medios e con responsabilidade institucional”.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
