Burela, 2 de maio, 2026. Partido decisivo en Vista Alegre o deste sábado, onde dous conxuntos chegaban con obxectivos moi distintos: mentres o Entrerríos loitaba por achegarse aos postos de playoff, o Burela buscaba asegurar a permanencia. E conseguiuno cun contundente 3-0, certificando así o seu obxectivo nesta tempada.
Un logro especialmente meritorio tras o profundo cambio vivido polo equipo mariñán no mes de xaneiro, cando se renovou media plantilla e regresou ao banco o Mariskal. O técnico alfocés conseguiu reconducir ao grupo e, xuntos, superar todas as adversidades.
O encontro comezou cun ritmo pausado e moita precaución por parte de ambos equipos, pero cambiou por completo tras o primeiro gol, dando paso a unha segunda metade moi intensa.
Primeira parte: dous golpes en dous minutos
O Burela avisou cedo cun primeiro achegamento e resistiu durante cinco minutos a presión alta do Entrerríos. No minuto 6, Torero detivo un disparo perigoso de Jorge Tabuenca, e pouco despois Izan rozou o gol cun tiro raso ao segundo pau.
O ritmo baixou ata o minuto 10, cando o equipo de Alfonso Rodríguez dispuxo dunha falta perigosa que sacou Quelle, pero a defensa local respondeu cun contragolpe que Pitero finalizou rozando o poste.
A intensidade medrou e, no minuto 14, Jason abriu o marcador cun disparo á escuadra nunha gran acción individual. Só un minuto despois, Izan ampliou a vantaxe tras un contragolpe conducido por Pitero.
Segunda parte: defensa sólida e sentenza final
No minuto 24, Lautaro evitou o primeiro tanto visitante cunha boa intervención ante Quelle, e volveu aparecer en varias ocasións para manter a portería a cero. Marcos Forga estrelou un balón no pau no 26, e Pitero obrigou a Juan Molina a intervir no 32.
O partido acelerou aínda máis: Koke mandou outro balón ao pau no 34 e, a falta de cinco minutos, o Entrerríos apostou polo xogo de cinco con Quelle como porteiro-xogador. O Burela respondeu coa mesma estratexia, con Bingyoba asumindo ese rol.
Lautaro volveu ser decisivo no 37 e no 38, sacando dous balóns sobre a liña ante o ataque en superioridade do rival. A falta de tres minutos, Bingyoba tivo unha das ocasións máis claras tras un pase de Pitero, pero o balón marchou fóra por pouco.
Xa no último minuto, nunha contra con portería baleira, Charly fixo o 3-0 tras combinar co capitán, un gol que deixou sen opcións ao conxunto zaragozano e selou a permanencia do Burela en Segunda División para a tempada 2026/2027.
Ficha Técnica Reyco Burela FS 3-0 Entrerríos Automatización
Reyco Burela FS (3): Torero; Pitero (C), Charly, Raid, Alberto -quinteto inicial-, Mauro, Alán, Jason, Izan, Bingyoba, Lautaro (P), Nico.
Entrerríos Automatización (0):Juan
Goles: 1-0, min. 14: Jason. 2-0, min. 15: Izan. 3-0, min. 39: Charly.
Árbitros: Álvaro Otero // Luis Manuel Manso // Iria de Luis // María López. Por parte do Burela viron tarxeta amarela Mauro (13’), Izan (16’), Alán (19’) e Alberto (38’). Por parte do Entrerríos, Juan Molina (25’), Quelle (30’) e Fran Tabuenca (34’)
Incidencias: Partido correspondente á xornada 28 de Segunda División Masculina disputado no pavillón Vista Alegre de Burela.
Trátase de dous MG ZS Hybrid+ Comfort, equipados coa tecnoloxía híbrida autorrecargable Hybrid+, que permite combinar eficiencia e un menor consumo no uso habitual. Segundo os datos do fabricante para este modelo, presenta unhas emisións de entre 113 e 115 g/km de CO₂ e un consumo de combustible de entre 5 e 5,1 litros aos 100 quilómetros, segundo o ciclo WLTP. A adquisición supuxo un investimento de 51.848,50 euros, IVE incluído, financiado a través do Fondo de Compensación Ambiental correspondente ao ano 2026.
Conta con arredor de 90 expositores provintes de todos os puntos tanto de Galicia coma do resto de España e de varias partes do mundo, que exhibirán as súas pezas de tornería en madeira. Tamén acolle a XVIII edición da Exposición CONtornos. Entre os participantes, destaca a presencia dun expositor provinte da cidade arxentina de Córdoba, así coma outros de Reino Unido, Francia e Portugal. Estímase que ata o domingo se acheguen a esta mostra internacional uns 5.000 visitantes, principalmente provintes de toda Galicia e tamén de Portugal.
O horario será o seguinte: Martes, 20 de outubro: de 9:00 a 13:30 horas e de 15:15 a 18:00 horas. Mércores, 21 de outubro: de 9:00 a 13:30 horas. As persoas interesadas poden solicitar cita previa a través do teléfono 981 92 80 80 ou da páxina web 
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
