Castiñeira subliña tamén que esta organización sanitaria beneficia especialmente aos pacientes máis vulnerables, ás persoas maiores e aos veciños das parroquias, evitando desprazamentos innecesarios e facilitando unha atención máis rápida nos casos graves
Foz, 7 de maio de 2026. O Partido Popular de Foz votará no pleno de hoxe en contra da proposta presentada pola esquerda para crear un PAC en Foz, ao considerar que o actual modelo sanitario ofrece “máis garantías, máis medios e unha mellor atención” aos veciños do municipio.
O portavoz popular, Javier Castiñeira, destaca que a atención urxente actual, co PAC situado en Burela xunto ao Hospital da Mariña e coa ambulancia medicalizada con base en Foz, permite aos veciños contar cunha cobertura sanitaria “máis completa e segura”.
Ademais, lembra que Foz conta con atención sanitaria no centro de saúde de luns a venres en horario de mañá e tarde, así como os sábados pola mañá, o que, segundo indica, garante unha ampla cobertura asistencial para os veciños.
“O modelo actual funciona e garante unha atención máis eficaz porque as urxencias están ao lado do hospital, con acceso inmediato a probas complementarias como radiografías ou laboratorio, ademais da posibilidade de ingreso directo no caso de ser necesario” explica o voceiro do PP.
Castiñeira subliña tamén que esta organización sanitaria beneficia especialmente aos pacientes máis vulnerables, ás persoas maiores e aos veciños das parroquias, evitando desprazamentos innecesarios e facilitando unha atención máis rápida nos casos graves.
Segundo indica, crear un PAC en Foz suporía “alonxar as urxencias do hospital” e obrigaría en moitos casos aos pacientes a acudir primeiro a Foz e posteriormente trasladarse ao Hospital da Mariña para realizar probas ou ingresar.
“Entendemos que o máis importante é garantir a seguridade dos pacientes e ofrecer a mellor asistencia posible, e iso conséguese co modelo actual”, afirma.
Por iso, o Partido Popular considera que a proposta da esquerda responde “máis a intereses políticos que sanitarios” e reitera que votará en contra no pleno de hoxe ao entender que o actual sistema “beneficia claramente aos veciños de Foz”.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
