A cita está organizada pola asociación de veciños de San Román, a asociación de Mulleres Rurais As Espalladoras e Airiños do Xunco, coa colaboración do Concello, e terá lugar o domingo 17 de maio no Conxunto Histórico Artístico
Cervo, 8 de maio do 2026. O Concello de Cervo de Cervo será o escenario do III Festival Espallando Letras, unha cita cultural que se celebrará o vindeiro 17 de maio, no Conxunto Histórico Artístico de Sargadelos co gallo da conmemoración do Día das Letras Galegas.
No acto de presentación do evento participaron a alcaldesa de Cervo, Dolores García Caramés, e representantes das tres asociacións organizadoras do festival –asociación de veciños de San Román, As Espalladoras e Airiños do Xunco- na propia contorna de Sargadelos que acollerá o Festival.
A alcaldesa destacou durante a presentación “a importancia de seguir impulsando iniciativas que poñen en valor a nosa lingua, a nosa identidade e o enorme potencial cultural do noso municipio”.
“Con este festival celebramos o Día das Letras Galegas do mellor xeito posible: enchendo Sargadelos de cultura, tradición, música e convivencia arredor da nosa tradición e das nosas raíces”, sinalou.
A rexedora puxo ademais en valor “o traballo conxunto das tres asociacións organizadoras, procedentes de diferentes parroquias do Concello como San Román, Rúa e Cervo, que conseguen unir esforzos para converter esta cita nun gran punto de encontro cultural en Sargadelos, “un lugar único de por si, un referente cultural e patrimonial no que conviven durante todo o ano proxectos artesáns, creativos e culturais que lle dan vida á contorna e a converten nun espazo singular”.
O III Festival Espallando Letras arrincará ás 11:00 horas coa apertura da xornada. Ao longo da mañá haberá actividades infantís a cargo de Cabaliño de Pau, visitas ao obradoiro de forxa artística de Telmo Cao e unha degustación de Marmeladas A Morena.
Ás 13:00 horas celebrarase a lectura homenaxe ás Letras Galegas dedicada a Begoña Caamaño, para continuar despois coas actuacións de A Rebolaxe, Milicrocas e o grupo infantil SCR Ledicia.
A programación continuará ás 14:00 horas cunha proposta gastronómica popular con xamón cocido e empanada, e desde a organización animan tamén ás persoas que se acheguen a traer o seu propio pícnic.
Xa pola tarde, desenvolveranse talleres de peneira pequena e cestiña de flores secas en Hai Larán, ademais da actuación musical de Os Chiribicos ás 17:00 horas.
As actividades son gratuítas, aínda que sería convinte a anotación previa no teléfono 629 95 17 61 (Raquel). Desde a organización lembran ademais que no propio día tamén se admitirán inscricións no caso de quedar prazas libres.
No caso de chuvia, a comida e as actuacións trasladaranse ao Pavillón de San Román.
O festival volverá converter Sargadelos nun punto de encontro para celebrar a lingua e a cultura galega nun ambiente festivo, familiar e participativo “é tamén unha magnífica oportunidade para achegarse e coñecer de preto o traballo que desenvolven iniciativas como Cabaliño de Pau, Marmeladas A Morena, Telmo Cao no seu obradoiro de forxa artística, ou Hai Larán, que forman parte dese ecosistema creativo e artesanal que fai especial Sargadelos.
A organización, a cargo da Asociación R.C.M. Amigos de Monte Castelo, abrirá a venda de parcelas os días 21 e 22, en horario de 18:30 a 20:30, primeiro para confirmar as reservas do ano anterior e despois para repartir as libres. O venres terá lugar a misa na igrexa de Vila do Medio ás 20:00 e, xa pola noite, a actuación do grupo Pekados e o DJ Balbi. O sábado comezará coa sesión vermú a cargo de SP The Sound Project, seguida do concurso de disfraces, xogos infantís, tardeo con DJ Pepu, bingo musical con Marisa Prisa e unha verbena con Pantera Rosa e Gin Toni’s. O domingo celebrarase a misa e procesión en honra á Nosa Señora das Marabillas ás 13:00, e a sesión vermú correrá a cargo do dúo Épok. A romaría conta coa colaboración do Concello de Burela, ABSA e Ledicia, ademais de numerosos establecementos locais.
As familias, o equipo docente, e o alumnado da Escola Infantil Municipal desfrutaron esta semana dunha xornada de convivencia e aprendizaxe neste parque. Ao longo do día, ademais de visitar a reserva e coñecer de preto numerosas especies animais, compartiron un agradable picnic nas instalacións do parque e tiveron acceso tanto á zona exclusiva da reserva como ao resto do recinto. A xornada rematou cunha actividade moi especial: un pequeno teatro participativo sobre a prevención dos incendios forestais, no que os nenos e nenas aprenderon a importancia de coidar os nosos montes e de evitar condutas que poidan provocar lumes, como abandonar obxectos de vidro na natureza. Un día cheo de experiencias, convivencia e aprendizaxes que reforzan o compromiso coa educación ambiental desde as primeiras idades.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
O Concello de Ribadeo atende así a petición realizada pola Asociación Provincial de Empresarios de Hostelería e Turismo de Lugo, que solicitou permisividade neste sentido aos 67 Concellos da provincia de Lugo. Ademais o Concello autorizou a instalación dunha pantalla na praza de Porcillán. A petición foi realizada pola Asociación Cultural Festas do Carme.
Nesta ocasión contará, ademais de cos anfitrións A Subela, como grupo convidado ao Grupo Folclórico e Etnográfico do Cimeiro, procedente de Soure, en Portugal, que participa dentro dun intercambio cultural. A organización destaca que será unha edición especialmente significativa e anima ao público a non perdela. Terá lugar o 18 de xullo, ás 21:00 horas, na Praza Conde de Fontao, de Foz.
