Foz, 11 de maio de 2026. A Delegación de Cultura do Concello de Foz programa varios actos esta semana para celebrar o Día das Letras Galegas.
“Este domingo 17 celebraremos as nosas letras. É un día moi especial no que berramos orgullosos na nosa lingua. O seu uso no noso día a día faraa máis forte”, explica a concelleira de Cultura, Inés López Couto, que engade: “a homenaxeada deste ano é Begoña Caamaño, unha escritora que por desgraza nos deixou moi nova, pero cunha obra moi bonita. E queremos mostrala con varios eventos para todos os públicos. O mércores 13 ás 18.30h no salón de actos da Casa da Cultura de Foz chegará a obra A gran viaxe das letras galegas, da compañía A Xanela do Maxín, un espectáculo que nos convida a embarcar nunha travesía única, onde as palabras non son só sons, senón que se converten en pontes entre pasados distantes e presentes próximos, entre o corazón e a memoria. Ao día seguinte, o xoves 14, tamén as 18.30 horas, realizarase un obradoiro de adornos de primavera con libros, en colaboración coa asociación Raíñas da Casa. Para esta última actividade necesítase inscrición, que se pode facer na biblioteca municipal ou no teléfono 982.140.675. É unha actividade pensada para nenos de máis de 6 anos. Ademais disto temos aberto o Certame de Narración e Debuxo Infantil das Letras Galegas da Biblioteca Pública de Lugo con categorías ata os 16 anos. Continuamos coas visitas escolares á biblioteca e a exposición de Circe a Morgana, que se poderá ver na Casa da Cultura”.
“A lingua é un patrimonio moi valioso que debemos preservar e a mellor maneira de facelo é utilizándoa, sendo a nosa mellor compañeira de viaxe na vida. Por iso reivindicamos o uso do galego na profesión, na escola, na administración … en resumo, na vida”, finaliza a concelleira de Cultura.
Neste curso a actividade estará dispoñible para as nosas pequenas Xoias e para alumnado externo, cunha sesión semanal, a cargo de Yasmin Toledo e Patrícia Sousa, do equipo de Segunda División. O alumnado poderá escoller o seu horario de adestramento entre os luns (16:00 h.-17:00 h., Vista Alegre) e os venres (19:30 h.-20:30 h., Monte Castelo). A actividade terá un custo de 6€/mes para o alumnado da escola laranxa e 24€/mes para o alumnado externo.
Un particular informou minutos despois das 11 horas deste xives dun camión que transportaba formigón envorcado no quilómetro 68 da N-640, á altura da parroquia de Ramil (Castro de Rei). Segundo explicou o mesmo alertador, o condutor permanecía no interior da cabina e outros dous turismos estaban implicados no accidente. De inmediato, desde o Centro Integrado de Atención ás Emerxencias solicitouse a acción de Urxencias Sanitarias de Galicia-061, da Garda Civil de Tráfico, dos Bombeiros de Vilalba e dos servizos de mantemento da estrada. Os bombeiros confirmaron que non tiveron que excarcerar, pois a persoa estaba xa fóra do vehículo cando chegaron ao punto. Así, colaboraron na limpeza da vía cos servizos de mantemento da estrada.
Neste espazo radiofónico Félix Jorquera falará coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
