Ribadeo, 17 de maio de 2026. Ribadeo presentará este luns o programa laboral de inclusión para persoas con discapacidade intelectual. Será nun acto ás 12:00 do mediodía no Salón dos Alcaldes. O Concello será o primeiro en contratar a unha persoa da asociación Down Lugo, que traballará como ordenanza durante un ano.
O alcalde, Dani Vega, explicou que “o vindeiro luns, 18 de maio, vamos firmar un convenio entre Xunta de Galicia, a asociación Down Lugo e o Concello de Ribadeo. O obxectivo é a contratación dunha persoa dentro do programa laboral de inclusión para persoas con discapacidade intelectual, unha iniciativa que busca avanzar cara a unha sociedade máis xusta. Igualdade e integración son obxectivos claros”.
O rexedor contou que “no marco deste programa, unha persoa da asociación Down Lugo será contratada polo Concello de Ribadeo, vai pertencer directamente á Alcaldía, estará colaborando coa Alcaldía e é unha proposta que nace da Concellería de Benestar Social e colaborando coa Concellería de Persoal. Estas dúas Concellerías xuntáronse e dixeron cómo podemos facer para ter un programa laboral de inclusión e empezar por persoas que teñen discapacidade intelectual”.
Vega tivo palabras de agradecemento e recoñecemento para os actores implicados neste proxecto: “á asociación Down Lugo teño que agradecerlle todo o traballo que fixeron. Ribadeo é o primeiro Concello que vai contratar a unha persoa con síndrome de down, é o primeiro Concello que tamén fixo o foro Down, onde unha das cousas sobre as que se reflexionou e se debateu foi a integración e a igualdade de oportunidades. E isto é clave nunha sociedade máis xusta, que todos teñamos as mesmas oportunidades”.
Ao alcalde ribadense parécelle “moi importante e significativo que un Concello estea na liña da integración, na liña de ter un programa propio de inclusión e polo tanto esta é unha gran noticia, unha moi boa noticia. E vamos traballar conxuntamente con outras actividades, non só esta, senón que xa estamos preparando actividades para o verán, pero hoxe queremos destacar este gran paso. Grazas á asociación Down por colaborar con este Concello, grazas á Xunta de Galicia por financiar este programa, que é un programa importantísimo, que non só se queda na contratación senón tamén na formación de esa persoa. E iso tamén parece significativo”.
E engadiu: “parece que hai que seguir traballando e reforzando os programas de emprego, os programas de inclusión laboral. E nesta liña vamos seguir. Noraboa ás dúas concelleiras, tanto a Montse como a Elena, por esta proposta. Grazas tamén á Área de Benestar Social que está facendo un gran traballo, a todas as traballadoras e traballadores e tamén grazas á Xunta de Galicia por financiar e a asociación Down por colaborar”.
A concelleira de Benestar Social, Saúde e Familia, Elena Sierra, destacou que “este proxecto supón un avance e un paso moi importante para a inclusión real das persoas con discapacidade”. Ademais, subliñou que a nova incorporación “será unha compañeira máis, en igualdade de condicións, como calquera outra persoa traballadora do Concello”. E edil responsable de Persoal, Montse Seijo, tamén quixo poñer en valor esta iniciativa e mostrouse satisfeita coa incorporación: “estamos moi contentos de contar cunha nova compañeira no Concello. Vai formar parte do equipo e compartiremos o día a día traballando man a man, aprendendo todos desta experiencia tan enriquecedora”.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
