O PP reclama un inventario de inmobles do Estado actualmente sen uso ligados a conservación de estradas para rehabilitalos e cedelos para ampliar vivendas sociais no rural
Vilalba, 15 de maio de 2026. Os representantes do PP lucense no Senado -José Manuel Barreiro, José Manuel Balseiro e Juan Serrano- levarán á Comisión de Vivenda e Axencia Urbana da Cámara Alta unha proposta para rehabilitar as antigas vivendas de peóns ‘camineros’ de Obras Públicas en Vilalba coa finalidade de dirixilas a alugueiro social.
Barreiro e Balseiro presentaron a iniciativa este venres en Vilalba acompañados por representantes do PP local despois de que o Goberno de Sánchez confirmara, ante as preguntas dos populares sobre a previsión para ceder estes inmobles en desuso para vivenda pública en réxime de venda ou alugueiro social, que “o Estado non as rexistrou para vivendas sociais”. O Executivo explica, en resposta oficial por escrito, que: “non se atopan no perímetro delimitado actualmente de activos susceptibles de ser destinados ás políticas de vivenda accesible”.
Os senadores do PP puxeron en valor a necesidade de aproveitar o patrimonio público actualmente en desuso para dar resposta a un dos principais problemas que afrontan moitos municipios do rural: o acceso á vivenda, especialmente para mozos, familias e persoas con dificultades para atopar alugueiros a prezos asumibles.
As 20 vivendas, situadas na saída de Vilalba cara Mondoñedo pola antiga N-634, foron construídas na década dos 60 para albergar ao persoal encargado da conservación das estradas estatais e, na actualidade, atópanse sen uso.
Os populares consideran que a súa rehabilitación permitiría crear novas vivendas sociais sen necesidade de executar novas promocións, ao tempo que se recupera un patrimonio público hoxe infrautilizado. “É unha oportunidade para darlle unha segunda vida a estes inmobles e poñelos ao servizo dos veciños e veciñas que o precisen”, sinalaron.
O PP tamén reclama, a través desta iniciativa, que o Goberno de España elabore un inventario das antigas vivendas de ‘camineros’ e doutros inmobles vinculados aos servizos de conservación de estradas pertencentes ao patrimonio do Estado que se atopen actualmente abandonados ou sen uso co obxectivo de estudar a súa rehabilitación ou cesión para ampliar o parque público de vivenda en alugueiro social ou accesible, especialmente en municipios do medio rural con problemas de acceso á vivenda.
Os senadores do PP lembraron que distintas administracións xa mostraron interese por estudar alternativas para estes inmobles de Vilalba e consideran que chegou o momento de dar un paso máis para facer realidade unha solución que combine recuperación patrimonial, política social e dinamización do rural.
“Non ten sentido manter edificios públicos pechados e deteriorándose mentres existen dificultades reais para acceder a unha vivenda. O que propoñemos é sentido común: recuperar o que xa existe para poñelo ao servizo das persoas”, concluíron.
POLÍTICA DE VIVENDA DA XUNTA
Os populares convidaron ao Goberno do Estado a “fixarse no modelo da Xunta de Galicia” en materia de vivenda cun plan “ambicioso e realista que se está cumprindo porque se está concretando en accións concretas”. De feito, nestes dous anos de lexislatura xa están en marcha as 4.000 vivendas públicas que se comprometeron.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
