Ribadeo, 15 de maio de 2026. Concello de Ribadeo e Deputación de Lugo asinaron un convenio de colaboración para a mellora da área recreativa de Vilela. O investimento será de 82.000 euros.
O alcalde, Dani Vega, explicou que “firmamos un convenio de colaboración coa Deputación de Lugo, neste caso para actuar en Vilela para mellorar toda a área recreativa, todo o espazo onde fan distintas celebracións. A valoración que facemos desde o Concello é realmente moi positiva, hai que agradecer á asociación todo o traballo que fai neste caso, pero no día a día solicitando colaboración por parte das administracións, preocupándose na xestión diaria para ter máis cousas, neste caso en Vilela esta felicitación debemos estendela a todos os colectivos, a todas as asociacións, porque fan un traballo moi importante”.
O rexedor dixo: “firmamos este convenio de colaboración coa Deputación. A Deputación dun orzamento total de 82.000 euros, vai aportar preto de 30.000 euros. E hai que agradecerlle ao deputado Dani García toda a colaboración que está tendo con nosoutros, todo este entendemento entre as administracións. Nosoutros sempre destacamos que o realmente importante é ter esa capacidade de xestión, non buscar diferenzas, non buscar tensións, senón atender a xestionar, atender a gobernar e atender a ter capacidade de entendemento con outras administracións. E neste caso a Deputación, que non é da mesma cor política, pero iso non ten nada que ver. O que si é o importante é que haxa ese entendemento e que teñamos acordos e que beneficie, neste caso a Ribadeo e concretamente a Vilela”.
E engadiu: “son 82.000 euros de inversión. Agradezo á Deputación a colaboración. Agradezo de corazón todo o que está facendo a asociación porque é moi importante. Sempre digo nas reunións que teño cos veciños que é moi distinto unha parroquia, un lugar con asociación que sen asociación. Vamos seguir traballando, vamos seguir xestionando orzamento e vamos seguir colaborando e entendéndonos con todas as administracións”.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Están organizadas por Acisa e financiadas pola Área de Medio Rural e Mar da Deputación de Lugo. 25 locais hostaleiros ofrecen tapas e racións en diversas preparacións. Acisa repartiu entre os establecementos 1.100 quilos de mexillóns para esta cita gastronómica. Ata Ribadeo se achegou o deputado Dani García, que estivo xunto á presidenta e o xerente de Acisa, Carmen Cruzado e Jesús Pérez, e os concelleiros ribadenses Martín Graña e Vicente Castro.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
Os asistentes puideron coñecer de preto unha particular viaxe que parte de Ribadeo e percorre Galicia en 37 etapas bordeándoa e combinando ciclismo, patrimonio, cultura e paisaxe. Jorge Justo estivo acompañado polo alcalde de Ribadeo, Dani Vega, e por Pablo Mosquera, ex director do Hospital da Costa (agora Hospital Público da Mariña).
Neste curso a actividade estará dispoñible para as nosas pequenas Xoias e para alumnado externo, cunha sesión semanal, a cargo de Yasmin Toledo e Patrícia Sousa, do equipo de Segunda División. O alumnado poderá escoller o seu horario de adestramento entre os luns (16:00 h.-17:00 h., Vista Alegre) e os venres (19:30 h.-20:30 h., Monte Castelo). A actividade terá un custo de 6€/mes para o alumnado da escola laranxa e 24€/mes para o alumnado externo.
