A mesa electoral estará situada na Casa da Cultura e permanecerá aberta de 08:00 a 18:00 horas
Burela, 15 de maio de 2026.- O Concello de Burela informa de que este domingo, 17 de maio, un total de 314 veciñas e veciños da localidade están chamados a participar nas eleccións lexislativas de Cabo Verde, ao figurar no censo electoral correspondente.
A mesa electoral habilitada en Burela estará situada na Casa da Cultura, no espazo habitual empregado neste tipo de procesos, e permanecerá aberta en horario de 08:00 a 18:00 horas.
Dende o Concello anímase a todas as persoas censadas a exercer o seu dereito ao voto con normalidade, serenidade e nun ambiente marcado polo respecto democrático. A institución municipal destaca a importancia da participación da comunidade caboverdiana residente en Burela nun proceso electoral que tamén implica á diáspora e reforza os vínculos sociais, culturais e institucionais entre a vila e Cabo Verde.
Esta convocatoria dá continuidade ao traballo de colaboración desenvolto nos últimos meses coas autoridades caboverdianas. Neste sentido, o pasado mes de febreiro, o equipo da Embaixada de Cabo Verde desprazouse a Burela para facilitar a tramitación de pasaportes e a actualización do censo electoral, permitindo realizar 31 pasaportes e achegar estes servizos administrativos á comunidade residente sen necesidade de realizar desprazamentos.
O Concello de Burela subliña que este tipo de accións son fundamentais para garantir a proximidade da administración, facilitar os trámites á veciñanza e seguir reforzando a colaboración institucional coa Embaixada de Cabo Verde.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
