Ribadeo, 19 de maio de 2026. Compromiso cumprido cos veciños de Ribadeo. O Concello deu todos os pasos para que a Xunta poida licitar o proxecto do novo centro de saúde. O alcalde, Dani Vega, que fai unha valoración moi positiva tras a aceptación oficial por parte da Xunta dos terreos que ocupará esa nova instalación.
O rexedor contou que “no día de onte aprobouse no Consello da Xunta a entrega dos terreos para a construción do novo centro de saúde. Dende logo, é unha satisfacción, é unha alegría que este paso xa se concretara, xa se puxera fin a toda unha tramitación administrativa burocrática, que nos levou máis dun ano, porque houbo que chegar a acordos, houbo que expropiar, houbo que facer todo un proceso administrativo para que se concretara aí a construción do novo centro de saúde, incluídas varias reformas urbanísticas para posibilitar a construción, soamente neste espazo, neste terreo, para a construción de edificios de interese público”.
Vega dixo: “estamos falando dun centro de saúde, dun colexio ou dunha gardería, sempre nese obxectivo de edificios a servizo da comunidade. A partires de agora xa se empezará a redactar o proxecto de construción do centro de saúde e despois xa será a licitación para a construción. Queda moito traballo, queda moito que facer, pero o que é a tramitación e a entrega dos terreos e datos importantes, libres de cargas, está listo. Tamén todos os compromisos que adquiriu o Concello xa estamos cumprindo, que é urbanizar no seu entorno, darlle entrada a esa parcela, o cal a partir do mes de xullo vamos empezar as obras na Avenida de América, son 350.000 euros, que nos comprometemos nós, pero tamén fomos capaces de xestionar esa partida por parte da Xunta de Galicia para adecuar e mellorar todo ese espazo da Avenida de América”.
O alcalde subliñou que “todo o traballo que se está facendo é moi importante, teño que felicitar tanto aos técnicos municipais, porque non se perdeu un día, pero levou moito tempo a tramitación, que foi bastante farragosa, tamén felicitar á Xunta de Galicia, aos técnicos e á Consellería, por entender que é algo prioritario para a Ribadeo e tamén felicitar ao conselleiro e ao presidente da Xunta por traballar conxuntamente para decidir esa inversión, unha nova inversión, estamos a falar de 7 millóns de euros que veñen para Ribadeo para ter un novo PAC, un novo centro de saúde, tamén instalacións no entorno, aparcadoiro ou tamén xa ter no mesmo espazo o 061. Estamos falando de novas instalacións, de novo equipamento, pero tamén de novos servizos sanitarios para Ribadeo. É unha mellora importante, é unha mellora que nós loitamos xa na oposición por este novo centro de saúde e agora desde o goberno o que estamos é concretando cada día, pasos para ter este novo centro de saúde tan importante para todos”.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
Destacou o apoio da Deputación ao sector primario a través da Granxa Gayoso Castro, centro de referencia en recría, formación e innovación. O evento, organizado pola Asociación Pura Raza Cabalo Galego, incluíu o concurso morfolóxico de distintas categorías —ponis, cabalos do país, cruzados, percheróns, Pura Raza Galega e andadura serrada e chapeada— e unha exhibición de doma de alta escola con eguas de pura raza galega.
Nesta ocasión, a homenaxeada foi a de Román. Tras unha recepción ás portas do concello, a veciñanza da parroquia desprazouse a pé ata a Igrexa de Santa María co grupo tradicional Cerna de Árbol. Na misa, cantada pola Coral Polifónica Vilalbesa, realizáronse as ofrendas e púxose en valor a tradición “dos canteiros e os traballos en pedra” en Román, unha parroquia cun destacado patrimonio histórico e cultural. Tras a celebración na igrexa, os veciños e veciñas de Román compartiron uns pinchos de fraternidade no Centro Cultural.
A celebración estivo organizada pola asociación cultural Ourofest coa colaboración do Concello do Valadouro e contou co apoio do Goberno galego. Villares participou na celebración litúrxica, que contou coa actuación do coro da Escola de Música ‘Ao Compás do Río Ouro’, e compartiu coa veciñanza esta xornada festiva de especial arraigo na localidade.
O corte afectará ao tramo que vai desde o principio da vía ata o punto quilométrico 0,900. Para facilitar a execución das obras, será necesario que non haxa vehículos estacionados nese treito. Os traballos, executados pola empresa Jose No Mantiñan E Hijos Construcciones, S.A., forman parte dun proxecto conxunto para a mellora e acondicionamento de varias estradas provinciais no municipio de Xove, cun investimento total superior aos 800.000 euros.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Daniel García reafirmou o apoio ao festival, que conta cunha colaboración estable e continuada da Vicepresidencia provincial desde a primeira edición e valorou "o impulso que a Asociación Fanto Fantini lle dá ano a ano ao festival, cun programa que vai máis alá do cartel musical e que profundiza na súa identificación e o seu vínculo con Burela e coa Mariña". A Vicepresidencia da Deputación achega 25.000 euros ao patricinio desta edición do Osa do Mar.
