UCIN denuncia o abandono do río e do ponte de madeira en Rinlo e pide unha actuación urxente

Ribadeo, 20 de maio, 2026. A Unión de Ciudadanos Independientes (UCIN) de Ribadeo denunciou publicamente o “estado de abandono” no que se atopa o cauce do río que atravesa a parroquia de Rinlo, así como o ponte de madeira da zona, cuxa estrutura presenta un deterioro evidente pola falta de mantemento.

Desde UCIN Ribadeo consideran “inadmisible” que un dos enclaves naturais e paisaxísticos máis visitados do municipio presente unha imaxe de “dejadez absoluta”, con maleza acumulada, falta de limpeza e un ponte que —segundo sinalan— “lleva demasiado tiempo sin recibir ningún tipo de actuación preventiva ni de conservación”.

A formación critica tamén a “pasividad” do goberno local, asegurando que “el alcalde ribadense y sus concejales parecen no enterarse del deterioro que sufren espacios públicos que deberían ser una prioridad para el Concello”.

UCIN advirte de que esta situación non só afecta á imaxe turística de Rinlo, senón que tamén pode supoñer un problema de seguridade para veciños e visitantes que transitan habitualmente pola zona.

“Rinlo merece respeto, mantenimiento y una atención constante. No se puede presumir de turismo y patrimonio natural mientras se abandonan lugares tan emblemáticos”, sinalan desde a agrupación.

Por este motivo, UCIN Ribadeo solicita ao Concello unha intervención urxente para limpar o cauce do río, acondicionar o entorno e reparar o ponte de madeira antes de que o deterioro continúe avanzando.

A formación conclúe reclamando unha maior planificación no mantemento dos espazos públicos do municipio e unha resposta “rápida y eficaz” por parte do goberno local.