A Presidenta da Deputación de Lugo visitou xunto a Alcaldesa do municipio o recinto feiral Ponte de Cuñas, onde a institución provincial investiu 111.000€ na conversión dunha nave municipal en centro multiusos e comprometeu melloras noutras dúas naves
Lugo, 21 de maio de 2026. A Presidenta da Deputación, Carmela López, e a Alcaldesa de Lourenzá, Rocío López, veñen de supervisar diferentes investimentos da institución provincial no municipio mariñán por un importe conxunto que supera os 326.000€. Unha visita na que estiveron acompañados polos concelleiros Javier Huertas, Manuel Arango e Mario Leitón, e na que anunciaron novos compromisos e acordos entre ambas entidades que virán mellorar diferentes dotacións e servizos públicos.
“Apoiar aos concellos é unha das nosas máximas prioridades, especialmente a aqueles máis pequenos que non teñen capacidade para ofrecer e manter servizos públicos de calidade, necesarios para a poboación. Hoxe vimos aquí a comprobar como a Deputación de Lugo está a cumprir con Lourenzá, garantindo que os seus veciños e veciñas teñan acceso infraestruturas, maquinaria ou espazos que contribúen a mellorar o seu día a día”, valorou Carmela López.
O recinto feiral Ponte de Cuñas foi a primeira parada da Presidenta e a Alcaldesa. Alí comprobaron a rehabilitación dunha nave municipal, cun investimento da Deputación de 111.000€, para a súa conversión nun centro multiusos. Carmela López aproveitou para anunciar o seu compromiso para investir outros 150.000€ no complexo e poder acondicionar outras dúas naves. Á saída, na mesma explanada, supervisaron un tractor adquirido para o parque móbil municipal con algo máis de 50.000€ do Plan Deputación. Unha ferramenta polivalente para cubrir diferentes servizos municipais como rozas, mantemento de zonas verdes ou traballos forestais.
Melloras na antiga N-634
Percorreron tamén unha parte da antiga N-634, agora de titularidade municipal, que conecta o lugar de Arroxo co núcleo urbano. Comprobaron os tramos arranxados e os dous últimos que se mellorarán destinando preto de 165.000€ do Plan Deputación. Trátase dunha vía con moita importancia na Mariña porque é moi utilizada pola veciñanza, transporte agrícola e peregrinos.
Traballos do Parque Móbil
As dúas mandatarias supervisaron tamén os traballos realizados polos equipos do Parque Móbil no municipio, que serviron para abrir e limpar 8 quilómetros de pistas forestais, así como para rexener 10 quilómetros de estradas municipais.
Unha delas, foi a que conecta Lourenzá coa parroquia de San Xusto, en Barreiros, onde se acondicionaron os desperfectos do pavimento nunha vía con moito tránsito diario de vehículos. Nesta visita, foron acompañadas pola tenente de alcaldesa de Barreiros, Carmen Veiga.
Renovar a contorna das vivendas sociais
Finalmente, visitaron o barrio do Pedrón, para comprobar o estado da contorna das vivendas sociais, onde o Concello acondicionará o pavimento degradado con algo máis de 50.000€ achegados pola Deputación de Lugo a través dun convenio de colaboración que inclúe varias actuacións.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
