Urxe a posta en funcionamento deste importante servizo para a poboación
O Vicedo, 22 de maio, 2026. A creación dun Centro de Día no Vicedo é unha demanda histórica da veciñanza e tamén do BNG, que hai unha década recolleu máis dun milleiro de sinaturas para reclamar a posta en marcha deste servizo. A antiga Casa do Mar foi finalmente acondicionada para albergar o centro, deseñado para ofrecer 35 prazas nun municipio cunha poboación moi envellecida. Porén, o equipamento continúa sen entrar en funcionamento.
O concelleiro nacionalista Miguel Gómez subliñou que “o obxectivo prioritario desta corporación debe ser garantir que os nosos maiores poidan exercer o seu dereito a un envellecemento saudable e digno sen verse obrigados a abandonar o seu entorno familiar e municipal, favorecendo ao mesmo tempo a necesaria conciliación da vida laboral e familiar da veciñanza”.
O BNG critica o modelo de privatización impulsado polo PP
Segundo o BNG, o goberno local optou por un modelo privatizado de xestión mediante un contrato de concesión de servizos. O primeiro proceso de licitación, cun orzamento de máis de 1,2 millóns de euros por tres anos, quedou deserto pola falta de interese das empresas. Isto obrigou a lanzar unha segunda licitación na primavera de 2026, tamén sen resultados, prolongando o peche do centro.
O prego de condicións establece tarifas consideradas inasumibles para a maioría dos pensionistas do Vicedo:
44,50 € diarios pola xornada completa con manutención (uns 921,25 € ao mes)
60 € mensuais adicionais se se precisa transporte
Segundo o BNG, estas contías superan amplamente os ingresos medios por xubilación no rural do municipio.
A proposta: integrar o centro na rede pública da Xunta
O BNG propón que a Xunta asuma a xestión do centro a través do Consorcio Galego de Servizos de Igualdade e Benestar, que administra unha ampla rede de centros de día públicos en toda Galicia. A integración permitiría:
– Abrir o centro de forma inmediata, ao asumir a Xunta a xestión directa
– Garantir criterios sociais públicos no acceso ás prazas
– Adaptar os prezos á capacidade económica real das persoas usuarias
O grupo nacionalista levará ao próximo pleno unha moción para solicitar formalmente esta integración e para que o Concello inicie os trámites xurídicos necesarios para a cesión das instalacións ao Consorcio.
Un calendario de prazos para garantir a apertura
O BNG demanda tamén a elaboración dun calendario detallado de actuacións entre Concello e Xunta, no que se establezan prazos claros para cada fase administrativa e técnica, co obxectivo de garantir a apertura definitiva do Centro de Día no menor tempo posible.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
