A alcaldesa, Ana María López, sinala que “seguimos trabajando para ofrecer un servicio turístico de calidad que contribuya a dinamizar la economía local y a consolidar a Cariño como un destino de referencia”.
Cariño, 27 de maio, 2026. O Concello de Cariño vén de sacar a licitación o servizo profesional de información turística para a Oficina de Turismo municipal correspondente ao ano 2026, unha actuación que permitirá reforzar a atención ás persoas visitantes e continuar impulsando a promoción turística e económica tanto do municipio como do conxunto da comarca durante os meses de verán.
Esta contratación conta cunha subvención concedida pola Deputación da Coruña por importe de 12.039,46 euros, destinada a financiar os gastos de persoal das oficinas de turismo durante o presente exercicio. O contrato contempla a prestación do servizo durante un período de tres meses e medio, cun orzamento base de 9.949,96 euros sen IVE que ascende aos 12.039,46 euros co imposto incluído.
A Oficina de Turismo de Cariño, situada na Casa do Concello, desempeña un papel fundamental non só na promoción do municipio, senón tamén na difusión turística da comarca e da provincia, facilitando información ás persoas visitantes sobre os diferentes recursos e atractivos do territorio. Así mesmo, é importante destacar o papel do Xeoparque Cabo Ortegal como elemento estratéxico para o desenvolvemento turístico e económico da zona.
A alcaldesa de Cariño, Ana María López, subliñou que “desde el Concello seguimos trabajando para ofrecer un servicio turístico de calidad, profesional y cercano, que contribuya a dinamizar la economía local y a consolidar a Cariño como un destino de referencia”.
Así mesmo, a rexedora sinalou que “la Oficina de Turismo es una herramienta esencial para poner en valor nuestro patrimonio natural, cultural y paisajístico, especialmente en un momento en el que crece el interés por el Xeoparque Cabo Ortegal, uno de nuestros grandes recursos”.
Os cortes de circulación aplicaranse desde as 12.15 horas ata a finalización da sesión vermú e, de novo, desde as 20.30 horas ata o remate das actividades festivas en ambas as dúas xornadas. O Concello agradece a comprensión da veciñanza e recomenda planificar os desprazamentos tendo en conta estas restricións temporais.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continúa o sábado, a partir das 19.00 horas, coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
As persoas asistentes poderán degustar a tradicional merluza de pincho preparada en diversas elaboracións, nun ambiente festivo que se completará con animación musical para gozar dunha noite de sabor, encontro e bo ambiente.
As familias, o equipo docente, e o alumnado da Escola Infantil Municipal desfrutaron esta semana dunha xornada de convivencia e aprendizaxe neste parque. Ao longo do día, ademais de visitar a reserva e coñecer de preto numerosas especies animais, compartiron un agradable picnic nas instalacións do parque e tiveron acceso tanto á zona exclusiva da reserva como ao resto do recinto. A xornada rematou cunha actividade moi especial: un pequeno teatro participativo sobre a prevención dos incendios forestais, no que os nenos e nenas aprenderon a importancia de coidar os nosos montes e de evitar condutas que poidan provocar lumes, como abandonar obxectos de vidro na natureza. Un día cheo de experiencias, convivencia e aprendizaxes que reforzan o compromiso coa educación ambiental desde as primeiras idades.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
O Concello de Ribadeo atende así a petición realizada pola Asociación Provincial de Empresarios de Hostelería e Turismo de Lugo, que solicitou permisividade neste sentido aos 67 Concellos da provincia de Lugo. Ademais o Concello autorizou a instalación dunha pantalla na praza de Porcillán. A petición foi realizada pola Asociación Cultural Festas do Carme.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
