Os concelleiros esixirán no vindeiro Pleno do Concello, entre outras, estas actuacións atendendo ás queixas dos veciños e veciñas
Vilalba, 27 de maio de 2026. O PP reclamará ao goberno de PSOE e Vilalba Aberta no Pleno deste xoves diversas melloras para dar resposta ás queixas trasladadas polos veciños e veciñas entre as que se atopan a instalación de sistemas de climatización no Punto de Atención á Infancia (PAI) ou a mellora do acceso ao aparcamento público da rúa das Pedreiras.
Os populares esixen ao goberno local que adopte as medidas necesarias para dotar ao PAI dun sistema de climatización eficaz e sostible co que garantir o benestar dos nenos e nenas e do propio persoal do centro.
Os concelleiros comparten a preocupación das familias dos usuarios e do persoal que presta o servizo á vista de que “as instalacións acadan, en períodos de altas temperaturas como o que estabamos a vivir estes días, niveis térmicos pouco adecuados para a permanencia prolongada de nenos e nenas de curta idade que son especialmente vulnerable á calor”. Así mesmo, apuntan que “esta situación pode repercutir negativamente na súa saúde, descanso e desenvolvemento diario, ademais de dificultar o normal funcionamento do servizo”.
O PP vilalbés cre “necesario mellorar tanto a funcionalidade como as condicións de seguridade viaria e accesibilidade ao aparcamento da público rúa das Pedreiras que da servizo ao entorno da Praza de Santa María, o Auditorio Municipal, residencias da zona e demais equipamentos e que, na actualidade, presenta “deficiencias”.
Os populares esixirán, polo tanto, o reforzo e mellora da sinalización, tanto nos accesos como nas saídas, para favorecer a orientación dos condutores e garantir unha circulación máis segura e ordenada. Tamén propoñen “estudar e executar unha mellora da saída cara á rúa das Pedreiras para facilitar a incorporación dos vehículos e incremente a seguridade viaria, xa que actualmente é difícil manobrar”. E esixen “reforzar a sinalización de prohibido estacionar no acceso dende a rúa Ferrería para garantir a correcta utilización do aparcadoiro”.
Con carácter prioritario, urxen a “actuar sobre o pavimento, drenaxe e sistema de recollida de augas da rampla de acceso e saída do aparcadoiro, evitando os arrastres de materiais cara a vía pública” porque “xera problemas de accesibilidade e situacións de risco de caídas para os peóns, especialmente ás persoas maiores, nenos e persoas con mobilidade reducida”.
De cara á dotación de máis aparcadoiros públicos, os populares preguntarán ao goberno local cales son as parcelas que se empregarán con esta finalidade e en que estado se atopa o expediente.
MÁIS ASUNTOS
Tendo en conta que o Partido Popular considera prioritario o PXOM para favorecer o desenvolvemento de Vilalba e as políticas dirixidas ao asentamento da poboación a través da creación de oportunidades de emprego no municipio, preguntarán tamén polos avances do PXOM que anunciaba o goberno local no último Pleno e o estado de licitación das seis parcelas do polígono industrial.
Outros anuncios do goberno de PSOE e Vilalba Aberta aínda pendentes de resolver serán obxecto das preguntas dos populares. Por exemplo, a resolución das múltiples alegacións ao inventario de camiños municipais ou a adxudicación do bar situado na praia da Madalena.
E, de cara ao verán, os concelleiros do PP esixen explicacións sobre a data prevista para a apertura da piscina exterior, as actividades previstas para o San Xoán, a planificación das festas patronais de San Ramón e Santa María 2026.
Os concelleiros do Grupo Municipal Popular urxen a comezar os traballos de desbroce nas vías das parroquias e esixen explicacións ao goberno de PSOE e Vilalba Aberta sobre as bases dos colectores do lixo: cantas se levan realizado dende a aprobación do novo contrato do lixo, quen ordena a instalación física e o motivo da súa realización sen ningún tipo de sistema de drenaxe.
Unha iniciativa destinada "a expresar apoio, afecto e solidariedade con Ceuta". A concentración terá lugar diante da Casa do Concello.
Villares felicitou á entidade lucense polos éxitos acadados na última tempada e puxo en valor “o traballo e dedicación dos nadadores e nadadoras e o esforzo do equipo técnico” do club. Recalcou en especial o impulso ao deporte base dende idades moi temperás, en liña coa aposta da Xunta por fomentar a actividade física entre os nenos e nenas con accións como o programa de deporte escolar Xogade, que no curso pasado chegou case ao 60% do alumnado galego.
A convocatoria enmárcase na iniciativa promovida pola FEMP para trasladar desde as entidades locais o seu apoio e solidariedade coa Cidade Autónoma de Ceuta. Deste xeito, Viveiro únese á convocatoria xunto con concellos de todo o territorio, amosando o seu respaldo institucional á Cidade Autónoma.
A obra premiada aborda a emigración galega desde unha voz feminina, e o pregón destacou o traballo colectivo e a transmisión entre xeracións dentro da Banda. Con este acto, o Concello dá inicio a unha programación festiva que nos próximos días combinará tradición, cultura, deporte e música para todos os públicos.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
