O obxectivo é probar a resposta coordinada de todas as administracións, servizos, grupos de intervención e corpos de seguridade encargados de actuar no dispositivo contraincendios
Castroverde, 27 de maio de 2026. A Xunta organizou hoxe un simulacro de incendio forestal entre os concellos de Castroverde e Baleira para ensaiar o operativo de emerxencias na provincia de Lugo.
O delegado territorial, Javier Arias, e o director xeral de Emerxencias e Interior, Santiago Villanueva, participaron no dispositivo, que ten por obxecto avaliar a resposta coordinada de todas as administracións, servizos, grupos de intervención e corpos de seguridade encargados de actuar nesta situación.
Durante o exercicio simulouse a activación do Plan especial de Protección Civil ante emerxencias por incendios forestais en Galicia (Peifoga), a causa dun lume orixinado en Peredo, na parroquia de Frairía (Castroverde), con posible afectación a superficie forestal e núcleos de poboación deste municipio e tamén de Baleira.
A actividade requiriu a constitución dos centros de mando e control previstos no Peifoga: o Centro de Coordinación Operativa (CECOP); un Posto de Mando Avanzado (PMA) na área recreativa da Veiga do Olmo de Castroverde; e dous Puntos de Recepción de Medios (PRM), un en cada concello, ambos coordinados por persoal da Consellería do Medio Rural.
Detalles do simulacro
O simulacro comezou ás 10,00 horas coa alarma de incendio e a chegada dos primeiros efectivos do Servizo de Prevención e Defensa contra os Incendios Forestais da Xunta. Coa declaración da situación operativa 2 do Peifoga polo risco para as persoas, constituíuse o Posto de Mando Avanzado.
Ademais, mobilizáronse os grupos de intervención e as forzas de seguridade, servizos de emerxencias, sanitarios e os medios materiais correspondentes. Tamén se puxeron en práctica medidas de protección da poboación, como confinamento, evacuación ou afastamento das zonas afectadas.
Así mesmo, ensaiouse a coordinación dos grupos operativos ante a posibilidade de ter que cortar senllos treitos da estrada LU-530 e do Camiño de Santiago; así como a prestación de atención médica a un traballador ferido nas tarefas de extinción. Unha vez estabilizado o incendio desactivouse a situación 2 e os medios seguiron traballando ata dalo por finalizado arredor das 13,00 horas.
Participantes
Participaron na actividade técnicos e axentes forestais e medioambientais, diferentes unidades de loita contra incendios da Xunta e o Servizo de Prevención, Extinción de Incendios e Salvamento (SPEIS) de Sarria.
En canto ao apoio sanitario, loxístico e de seguridade, coordinado polo Servizo de Emerxencias de Lugo, colaboraron a Unidade da Policía Nacional Adscrita a Galicia (UPA), a Garda Civil, o 061, os concellos de Baleira e Castroverde, a Agrupación de Voluntarios de Protección Civil (AVPC) de Baleira, a Federación de AVPC, a Axencia Galega de Emerxencias (AXEGA) e Cruz Vermella.
Ademais, os centros de mando e control contaron con representantes das consellerías do Medio Rural e de Presidencia, Xustiza e Deportes; Subdelegación do Goberno; entidades locais afectadas e o Consorcio Provincial de Bombeiros de Lugo, entre outros.
A mostra inaugúrase o luns 19 de outubro ás 12.00 horas na Casa da Cultura, onde permanecerá aberta ao público ata o 19 de novembro. A iniciativa, promovida polo Concello, ofrece unha selección de obras nas que o artista explora a cor, a luz e a expresión contemporánea, consolidando a súa traxectoria dentro deste movemento artístico.
Da man da FCAM Ribagorda está a coñecer establecementos comerciais que cumpriron corenta anos de vida e outros que se achegan aos cen. A Federación de Comercio A Mariña aproveita esta estadía do coñecido xornalista para amosarlle as potencialidades turísticas da comarca. José Ribagorda visitou a Basílica de San Martiño en Foz e o Centro de Interpretación da Faba en Lourenzá. A súa viaxe pola Mariña seguirá hoxe e mañá.
O 112 Galicia tivo constancia dos feitos contra as 19:30 horas deste venres, a través dun particular que se atopaba no punto: un coche que participaba nunha proba de rallye en San Fiz de Paz (Outeiro de Rei) perdeu unha roda, e esta acabou golpeando a un espectador, quen precisaba asistencia sanitaria. De inmediato, desde o 112 Galicia informouse a Urxencias Sanitarias de Galicia-061 e os axentes da Garda Civil. Foi a propia organización do evento a que se fixo cargo do traslado.
O paseo polas rúas da vila xunto as Sanluqueiras e Sanluqueiros e o pregón de Luis Rego marcaron o arranque oficial das feiras e festas mindonienses, que chegan este ano a edición 870. A Vicepresidencia da Deputación de Lugo colabora de forma estable e continuada coa Asociación As San Lucas de Mondoñedo, cunha achega da área de Cultura que este ano -coincidindo coa 870 edición- incrementou dos 20.000 aos 30.000 euros.
Trátase dunha iniciativa que favorece a colaboración entre o tecido asociativo e o voluntariado para mellorar e conservar as contornas naturais do municipio. Os traballos centráronse na limpeza deste espazo costeiro, contribuíndo ao seu coidado e á conservación do medio natural. A alcaldesa de Cervo, Dolores García Caramés, achegouse ata a praia para acompañar as persoas participantes nesta iniciativa agredecendo a implicación de Mistura de Lieiro e das persoas voluntarias que participaron nesta xornada, contribuíndo, coa súa colaboración, a manter limpos e coidados os espazos naturais de Cervo.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
