Navia, 2 de xuño de 2026. O compromiso co medio ambiente e o civismo demóstrase con pequenos xestos cotiáns, e a veciñanza de Navia leva anos deixando claro que a sustentabilidade é unha prioridade nos seus fogares. Así o reflicten os últimos datos oficiais publicados pola Compañía para a Xestión dos Residuos Sólidos en Asturias (COGERSA), que sitúan a Navia nunha posición moi destacada dentro do mapa do reciclaxe do Principado, competindo en eficiencia cos municipios máis poboados da comunidade.
A análise das estatísticas por habitante revela que Navia sobresae de maneira moi positiva na recollida selectiva de calidade.
Vidro: Navia supera ás grandes cidades
O contedor verde é un dos mellores exemplos deste éxito. Durante o último ano, Navia acadou unha media de 22,66 kg de vidro reciclado por habitante, unha cifra que sitúa o concello por diante dos rexistros por habitante das tres grandes cidades asturianas:
Xixón: 19,73 kg/hab
Oviedo: 19,25 kg/hab
Avilés: 15,59 kg/hab
Orgánica: resposta exemplar ao contedor marrón
A implantación da recollida separada de materia orgánica tamén tivo unha acollida extraordinaria. Grazas á implicación das familias e da hostalaría local, Navia alcanzou os 18,59 kg por habitante e ano, o que supón 149,32 toneladas anuais aproveitadas.
Este dato supera amplamente as medias por habitante das áreas urbanas de:
Xixón: 16,34 kg/hab
Avilés: 12,79 kg/hab
Oviedo: 7,36 kg/hab
Papel e cartón: segundo posto destacado
No contedor azul, os naviegos consolidan unha media de 27,68 kg/hab ao ano, situándose nun meritorio segundo posto entre estas catro localidades, só por detrás de Oviedo e por diante de Avilés.
Envases lixeiros: estabilidade e bo comportamento
O contedor amarelo pecha o balance local cunha media estable de 17,04 kg/hab, reforzando a tendencia positiva do municipio en todas as fraccións de reciclaxe.
Agradecemento e compromiso continuo
Desde o Concello de Navia agradecen a colaboración de todos os cidadáns, comercios e colectivos. Este logro é froito dun esforzo colectivo e da progresiva adaptación ás melloras implantadas no municipio, como os contedores soterrados, deseñados para facilitar unha separación máis cómoda e limpa no día a día.
O obxectivo non é competir, senón seguir mellorando xuntos para coidar o entorno natural.
Para consultar todos os detalles e as gráficas interactivas destes resultados, COGERSA pon a disposición o informe completo no seguinte enlace oficial: https://cogersa.es/datos_residuos/
A organización, a cargo da Asociación R.C.M. Amigos de Monte Castelo, abrirá a venda de parcelas os días 21 e 22, en horario de 18:30 a 20:30, primeiro para confirmar as reservas do ano anterior e despois para repartir as libres. O venres terá lugar a misa na igrexa de Vila do Medio ás 20:00 e, xa pola noite, a actuación do grupo Pekados e o DJ Balbi. O sábado comezará coa sesión vermú a cargo de SP The Sound Project, seguida do concurso de disfraces, xogos infantís, tardeo con DJ Pepu, bingo musical con Marisa Prisa e unha verbena con Pantera Rosa e Gin Toni’s. O domingo celebrarase a misa e procesión en honra á Nosa Señora das Marabillas ás 13:00, e a sesión vermú correrá a cargo do dúo Épok. A romaría conta coa colaboración do Concello de Burela, ABSA e Ledicia, ademais de numerosos establecementos locais.
As familias, o equipo docente, e o alumnado da Escola Infantil Municipal desfrutaron esta semana dunha xornada de convivencia e aprendizaxe neste parque. Ao longo do día, ademais de visitar a reserva e coñecer de preto numerosas especies animais, compartiron un agradable picnic nas instalacións do parque e tiveron acceso tanto á zona exclusiva da reserva como ao resto do recinto. A xornada rematou cunha actividade moi especial: un pequeno teatro participativo sobre a prevención dos incendios forestais, no que os nenos e nenas aprenderon a importancia de coidar os nosos montes e de evitar condutas que poidan provocar lumes, como abandonar obxectos de vidro na natureza. Un día cheo de experiencias, convivencia e aprendizaxes que reforzan o compromiso coa educación ambiental desde as primeiras idades.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
Villares gabou o traballo realizado e subliñou que “a implicación do tecido social e dos veciños e veciñas é clave para transmitir as tradicións que forman parte da nosa identidade e reforzar os vínculos da comunidade”. Na xornada principal deste xoves destacou a ofrenda floral na honra dos mariñeiros falecidos. O venres e o sábado celebraranse o Festival Folklórico Internacional e o Festival Folklórico Infantil respectivamente, organizados polo Grupo Mistura.
O Concello de Ribadeo atende así a petición realizada pola Asociación Provincial de Empresarios de Hostelería e Turismo de Lugo, que solicitou permisividade neste sentido aos 67 Concellos da provincia de Lugo. Ademais o Concello autorizou a instalación dunha pantalla na praza de Porcillán. A petición foi realizada pola Asociación Cultural Festas do Carme.
Nesta ocasión contará, ademais de cos anfitrións A Subela, como grupo convidado ao Grupo Folclórico e Etnográfico do Cimeiro, procedente de Soure, en Portugal, que participa dentro dun intercambio cultural. A organización destaca que será unha edición especialmente significativa e anima ao público a non perdela. Terá lugar o 18 de xullo, ás 21:00 horas, na Praza Conde de Fontao, de Foz.
