Cervo, 19 de xuño do 2026. O Concello de Cervo vén de clausurar unha nova edición do programa de ocio e tempo libre “Brincos de Lecer coa Ra Ramira”, unha iniciativa posta en marcha para favorecer a conciliación das familias do municipio e ofrecer ás crianzas un espazo educativo, creativo e divertido durante o curso escolar.
A clausura do programa celebrouse cunha festa na Casa do Mar na que os nenos e nenas participantes desfrutaron dunha xornada especial de peche, na que recibiron os seus diplomas e agasallos como recoñecemento pola súa participación ao longo do curso.
En total, máis de medio cento de nenos e nenas participaron nesta edición, na que se desenvolveron diferentes propostas adaptadas ás idades e intereses do alumnado de Infantil, Primaria e Secundaria.
A gran novidade deste curso foi a posta en marcha do obradoiro “Playing in English”, unha actividade realizada en colaboración coa English School de San Cibrao, que permitiu ao alumnado achegarse ao idioma inglés a través do xogo, dunha maneira dinámica e entretida.
A programación completouse con actividades xa consolidadas como “Brincos”, “Croacbooking”, “Ramira de Castro”, “Problemas na Charca”, “Club de Ramira”, “Aprender a Aprender” e os “Findes Anfibios”, con propostas centradas na creatividade, a lectura, as matemáticas, as técnicas de estudo e o lecer educativo.
Na clausura participaron a alcaldesa de Cervo, Dolores García Caramés, a concelleira Pilar Armada, e tamén as monitoras das actividades, Alba e Laura.
A rexedora destacou que “Brincos de Lecer coa Ra Ramira volveu demostrar que é unha ferramenta moi útil para as familias do municipio, ofrecendo un espazo seguro no que os nenos e nenas poden aprender, xogar, relacionarse e desenvolver novas habilidades fóra do horario lectivo”.
García Caramés puxo en valor especialmente a incorporación do obradoiro de inglés: “estamos moi satisfeitos coa acollida desta novidade, xa que permite que as crianzas practiquen un idioma tan importante como o inglés dunha forma natural, divertida e adaptada a cada idade”.
A alcaldesa tamén agradeceu “a implicación das familias, das monitoras e de todas as persoas que fan posible o desenvolvemento deste programa, pola súa dedicación e polo cariño co que acompañan ás crianzas durante todo o curso”.
Desde o Concello de Cervo salientan a boa resposta recibida por parte das familias e avanzan que continuarán impulsando iniciativas que contribúan á conciliación, á educación e ao benestar da veciñanza máis nova do municipio.
A proba , organizada polo Club Ciclista Viveiro, reuniu máis de 130 ciclistas e coroou as campioas galegas de todas as categorías femininas -desde infantil ata master-, e aos campions galegos de infantil e cadete. A Praza da Galeguidade acolleu a saída e meta da competición, que se desenvolveu nun circuíto estático de 18,9 quilómetros pasando polo Porto da Gañidoira, a 699 metros de altura.
Trátase de dous MG ZS Hybrid+ Comfort, equipados coa tecnoloxía híbrida autorrecargable Hybrid+, que permite combinar eficiencia e un menor consumo no uso habitual. Segundo os datos do fabricante para este modelo, presenta unhas emisións de entre 113 e 115 g/km de CO₂ e un consumo de combustible de entre 5 e 5,1 litros aos 100 quilómetros, segundo o ciclo WLTP. A adquisición supuxo un investimento de 51.848,50 euros, IVE incluído, financiado a través do Fondo de Compensación Ambiental correspondente ao ano 2026.
Conta con arredor de 90 expositores provintes de todos os puntos tanto de Galicia coma do resto de España e de varias partes do mundo, que exhibirán as súas pezas de tornería en madeira. Tamén acolle a XVIII edición da Exposición CONtornos. Entre os participantes, destaca a presencia dun expositor provinte da cidade arxentina de Córdoba, así coma outros de Reino Unido, Francia e Portugal. Estímase que ata o domingo se acheguen a esta mostra internacional uns 5.000 visitantes, principalmente provintes de toda Galicia e tamén de Portugal.
O horario será o seguinte: Martes, 20 de outubro: de 9:00 a 13:30 horas e de 15:15 a 18:00 horas. Mércores, 21 de outubro: de 9:00 a 13:30 horas. As persoas interesadas poden solicitar cita previa a través do teléfono 981 92 80 80 ou da páxina web 
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
