O anuncio do Ministerio é “fume” porque ningún tramo da A-74 conta aínda con trazado definitivo aprobado, calendario de execución nin respaldo orzamentario
Lugo, 20 de xuño de 2026. O senador do Partido Popular por Lugo, José Manuel Balseiro, restou importancia ao anuncio realizado polo Ministerio de Transportes sobre a aprobación provisional do trazado da futura autovía A-74 entre O Carme e Barreiros e asegurou que “a realidade é que a autovía da Mariña segue exactamente onde estaba: sobre o papel, sen obras, sen orzamento e sen prazos”.
Balseiro lembrou que os responsables socialistas prometeron reiteradamente que esta infraestrutura estaría xa en construción no ano 2024. “O líder do PSOE en Galicia, deputados, senadores e alcaldes socialistas venderon aos veciños da Mariña que as obras ían ser unha realidade en 2024. Estamos en 2026 e non só non hai obras, senón que non se executou nin un só quilómetro da A-74”, manifestou.
Para o senador popular, o anuncio realizado polo Goberno non permite falar de avances reais porque a infraestrutura continúa atrapada nunha fase administrativa que aínda deberá superar numerosos trámites antes de converterse nunha obra efectiva.
“Ningún dos tramos da autovía conta a día de hoxe cun trazado definitivamente aprobado. Tampouco existe unha data para o inicio das obras nin unha consignación orzamentaria suficiente que permita pensar nunha execución a curto prazo. O único que temos son liñas debuxadas nun plano e novos anuncios para intentar ocultar a falta de compromiso do Goberno coa Mariña”, afirmou.
Un tramo recortado e con alegacións pendente de resolver
Balseiro lembrou ademais que o tramo agora anunciado xa fora sometido a información pública no ano 2018 polo Goberno de Mariano Rajoy. Aquel proxecto contemplaba un trazado de aproximadamente 11,5 quilómetros entre Foz e Barreiros, mentres que a proposta presentada agora polo Executivo socialista limita a actuación ao subtramo comprendido entre O Carme e Barreiros, cunha lonxitude de apenas 6,5 quilómetros.
“O máis preocupante é que, despois de sete anos de Goberno de Sánchez, non só non avanzaron sobre o proxecto que herdaron, senón que presentan un tramo recortado en preto de cinco quilómetros respecto ao que xa saíra a información pública en 2018. É dicir, anuncian hoxe unha actuación máis curta que a que o Goberno do Partido Popular deixara xa en tramitación e, ao mesmo tempo, recoñecen expresamente na documentación feita pública que continúan sen resolver as alegacións formuladas durante aquel proceso iniciado hai sete anos”, sinalou.
Bloqueo nos despachos
Ao seu xuízo, este feito evidencia a falta de avances reais nunha infraestrutura considerada estratéxica para a comarca. “Estamos ante a demostración de que a A-74 leva anos bloqueada nos despachos. Non resolveron alegacións pendentes desde hai sete anos, non aprobaron definitivamente ningún tramo, non fixaron datas para o inicio das obras e tampouco reservaron os recursos económicos necesarios para executalas”, indicou.
Motivos para desconfiar
O senador popular considera que os veciños da Mariña teñen motivos para desconfiar de novos anuncios mentres non existan compromisos concretos. “A Mariña non necesita máis titulares nin máis promesas electorais. Necesita proxectos definitivamente aprobados, partidas económicas suficientes e máquinas traballando sobre o terreo”, afirmou.
Neste sentido, cualificou o anuncio ministerial como “un novo brindis ao sol” e advertiu de que, sen financiamento, sen calendario e sen decisión política para executar a infraestrutura, “todo corre o risco de quedar reducido a un exercicio de propaganda”.
“Despois de sete anos de Goberno de Sánchez, a autovía da Mariña continúa sendo fume. O PSOE prometeu obras en 2024 e en 2026 seguimos falando de planos, trámites e anuncios. Iso evidencia a falta de compromiso real do Executivo coa comarca e coas súas necesidades de mobilidade, seguridade viaria e desenvolvemento económico”, concluíu Balseiro.
Un total de 32 participantes déronse encontro nesta segunda edición, demostrando o seu nivel e desfrutando dunha mañá de competición e compañeirismo. Os gañadores das diferentes categorías foron: Antón Pernas (Sub 8), David Bustabad (Sub 10), Xulio Pernas (Sub 12), Deivid Pérez (Sub 14), Manuel Castro (Sub 16) e Breixo Alvite (Sub 18). A alcaldesa de Cervo, Dolores García Caramés, entregou os trofeos e medallas aos vencedores. O Concello felicita a todas as persoas participantes polo seu esforzo e por contribuír ao crecemento do xadrez no municipio, reafirmando a súa aposta polo deporte, pola participación e por ofrecer novas oportunidades para gozar e aprender.
A proba , organizada polo Club Ciclista Viveiro, reuniu máis de 130 ciclistas e coroou as campioas galegas de todas as categorías femininas -desde infantil ata master-, e aos campions galegos de infantil e cadete. A Praza da Galeguidade acolleu a saída e meta da competición, que se desenvolveu nun circuíto estático de 18,9 quilómetros pasando polo Porto da Gañidoira, a 699 metros de altura.
Trátase de dous MG ZS Hybrid+ Comfort, equipados coa tecnoloxía híbrida autorrecargable Hybrid+, que permite combinar eficiencia e un menor consumo no uso habitual. Segundo os datos do fabricante para este modelo, presenta unhas emisións de entre 113 e 115 g/km de CO₂ e un consumo de combustible de entre 5 e 5,1 litros aos 100 quilómetros, segundo o ciclo WLTP. A adquisición supuxo un investimento de 51.848,50 euros, IVE incluído, financiado a través do Fondo de Compensación Ambiental correspondente ao ano 2026.
Contou con arredor de 90 expositores provintes de todos os puntos tanto de Galicia coma do resto de España e de varias partes do mundo, que exhibiron as súas pezas de tornería en madeira. Tamén acolleu a XVIII edición da Exposición CONtornos. Entre os participantes, destacou a presencia dun expositor provinte da cidade arxentina de Córdoba, así coma outros de Reino Unido, Francia e Portugal. Ata o domingo achegaronse a esta mostra internacional uns 5.000 visitantes, principalmente provintes de toda Galicia e tamén de Portugal.
O horario será o seguinte: Martes, 20 de outubro: de 9:00 a 13:30 horas e de 15:15 a 18:00 horas. Mércores, 21 de outubro: de 9:00 a 13:30 horas. As persoas interesadas poden solicitar cita previa a través do teléfono 981 92 80 80 ou da páxina web 
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
