A programación deste terceiro trimestre do ano ofrece un total de 12 propostas con 190 prazas para todos os públicos, e terá lugar do 16 de agosto ao 3 de outubro nas Reservas da Biosfera en Terras do Miño e Os Ancares Lucenses
Lugo, 21 de xuño de 2026. A Deputación de Lugo abre mañá luns, día 22 de xuño a partir das 8 da mañá, o prazo para que todas as persoas interesadas poidan inscribirse na nova programación de actividades gratuítas e de lecer que organiza a institución provincial para este terceiro trimestre do ano. O calendario inclúe 12 propostas que tratan de fomentar o lecer saudable e a educación ambiental nas Reservas da Biosfera Terras do Miño e Os Ancares Lucenses e Montes de Cervantes, Navia e Becerreá, xestionadas pola propia Deputación. A programación estenderase dende o 16 de agosto ata o 3 de outubro e inclúe un total de 190 prazas para toda a veciñanza.
Actividades na Reserva Terras do Miño
As actividades na Reserva Terras do Miño iniciaranse a semana do 31 de agosto ao 4 de setembro co obradoiro Rematando o verán, en horario de mañá, de 10:00 a 14:00 horas. Hai un total de 15 prazas e está dirixido a nenos e nenas.
A seguinte semana, do 7 ao 11 de setembro terá lugar o obradoiro Reciclaxe práctico para a vida cotiá, para adultos, en horario de 10:00 a 14:00 horas, con 15 prazas dispoñibles.
Do 14 ao 18 de setembro celebrarase o obradoiro Baños de Bosque, de 16:00 a 18:00 horas, con 15 prazas para adultos. A semana do 28 de setembro ao 2 de outubro, desenvolverase a actividade Ferramentas Dixitais para un Futuro Sostible, en horario de 10:00 a 14:00 horas. Nesa mesma semana, os días 28,29 e 30 de setembro, organízase o obradoiro Coñecer Os Anfibios: Especies, costumes e onde atopalo para adultos, de 16:00 a 19:00 horas, con 10 prazas.
No mes de outubro tamén, os días 1, 2 e 3 celebrarase o obradoiro de Iniciación na Gravación de Anfibios, para adultos, de 16:00 a 19:00 horas, con 10 prazas. Todas as actividades celebraranse no Centro de Interpretación de Terras do Miño.
Actividades na Reserva Os Ancares Lucenses
As actividades na Reserva da Biosfera Ancares Lucenses e Montes de Cervantes, Navia e Becerreá darán comezo o 16 de agosto en Becerreá cunha Xornada de Cántigas e Baile Tradicional en Quintá de Cancelada, de 12:00 a 14:00 horas, destinado a adultos e con 30 prazas dispoñibles. Tamén, no Centro Social deste municipio desenvolverase os días 7 e 8 de setembro un Obradoiro de Elaboración de Xabón Artesanal, de 16:00 a 20:00 horas, e que contará con 20 prazas para adultos.
En Navia de Suarna, para nenos e nenas de 4 a 12 anos, organizarase en Vilor na parroquia de Vallo, o obradoiro Aprende a moverte pola Montaña os días 29 e 30 de agosto, en horario de mañá, de 10:00 a 14:00 horas. Na Escola naviega de Barcia, o día 24 de setembro, desenvolverase un taller de cociña tradicional, en horario de 17:00 a 20:00 horas, para 15 adultos.
E, finalmente en Cervantes, o 6 de agosto terá lugar a marcha con observación do ceo nocturno na contorna do Castelo de Doiras: A Fortaleza das Estrelas, dirixida a persoas de 12 anos ou máis e 20 prazas dispoñibles. O horario da actividade será de 19:00 horas a 00:30 horas. Ademais, os días 11,18 e 25 de setembro no Centro de Desenvolvemento Rural Ancares, situado en San Román de Cervantes, desenvolverase o obradoiro de Restauración de Mobles, en horario de 16:00 horas a 20:00 horas, con 10 prazas para adultos dispoñibles.
Como inscribirse
As persoas interesadas deberán anotarse a través das canles dispoñibles. No caso de Terras do Miño, poden apuntarse nos teléfono 982.305.930 ou 982.227.812, o no correo electrónico und.medioambiente@deputacionlugo.org e na web: http://inscricions.deputacionlugo.org/gl/tema/actividades-medioambientais. As persoas que desexen participar no programa dos Ancares Lucenses, poden anotarse a través do correo ancareslucenses@deputacionlugo.org e do teléfonos 982.227.813.
Destacou o labor da asociación xuvenil A Rumboia, que en poucas edicións converteu o evento nun referente cultural da Terra Chá e nun motor para o turismo e a economía local. O cartel inclúe Caamaño & Ameixeiras, Ulex, La Txama, Boyanka Kostova, Bea Fernandes e Lucasiito B2B Somiiux. Haberá tamén actividades para todas as idades —xogos, obradoiros, contacontos e artesanía— no campo da feira de Gontán, con entrada gratuíta.
O Parque María Cristina da Caridá volverá encherse de oficios, sabores, música e tradición os próximos días 4 e 5 de xullo
Son 15 os postos instalados nos que os asistentes poderán atopar complementos de moda e téxtis, marroquinaría, xoiaría, teas, sombreirería, bixutaría, xoguetes ou esmaltes. Esta feira está percorrer diversas localidades e cidades galegas para dar a coñecer o traballo dos artesáns galegos. Polo recinto pasaron o alcalde, Dani Vega, e a concelleira de Comercio e Turismo, Marta Saiz.
Desde o pasado martes desenvolvéronse distintas competicións deportivas, entre elas os tradicionais torneos 3x3 de fútbol e baloncesto e un campionato de xadrez, nos que participaron preto de 300 mozos e mozas. Villares sinalou que esta convocatoria “é xa un clásico na vila e axuda a proxectar a oferta do Espazo Xove, un punto de encontro para a mocidade que ao longo de todo o ano ofrece distintas propostas de lecer, formación e participación adaptadas aos seus intereses”.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O delegado gabou o traballo realizado polo Motoclub A Cadeira para dar continuidade a esta proposta logo do éxito do pasado ano, “deixando claro desde a primeira convocatoria o seu poder de atracción e o importante papel de dinamización económica e social que xogan iniciativas deportivas e lúdicas como esta”. Na programación destacan a subida nocturna hoxe ao monolito da Cadeir a, os simuladores de pilotaxe de moto GP e a exhibición de Stunt3Show mañá, ou unha ruta turística o domingo. Ademais, haberá sesións vermú, música en directo, sorteos de premios, acampada gratuíta -cuberta e exterior- e food trucks, entre outras actividades.
A edición deste ano incorpora un novo formato organizativo: as sesións vermú ampliaranse a tres horas na Praza da Constitución e todas as verbenas trasladaranse ao Campo da Feira para mellorar a loxística e facilitar a montaxe dos espectáculos, especialmente nun ano con formacións de gran formato. O programa musical combina orquestras, grupos e DJs para públicos de todas as idades, con citas destacadas como Panorama City, Paris de Noia, Los Satélites, Costa Dorada ou a xira campestre con diferentes propostas ao longo de varios días. Desde o Concello subliñan que as festas son un espazo de encontro para a veciñanza e para quen regresa a Vilalba nestas datas, e que o obxectivo é ofrecer unha programación equilibrada e pensada para que cada persoa atope o seu lugar nunhas patronais que forman parte esencial da identidade da vila.
