Nota de prensa:
5.233 sinaturas pola readmisión en Sargadelos
Hoxe ás 11:30 horas as delegadas da CIG no comité de empresa da Fábrica de Cerámica de Sargadelos fixemos entrega no rexistro da Xunta en Lugo de 5.233 sinaturas que reclamaban a readmisión das oito persoas despedidas tras a aprobación dun ERE no mes de setembro. Na entrega estiveron presentes tamén, xunto aos oito afectados, representantes das executivas da CIG de Lugo e A Mariña.
As sinaturas recolléronse co fin de solicitar da Dirección Xeral de Relacións Laborais que resolva os distintos recursos de alzada que se presentaron hai dous meses contra a resolución da Delegación de Lugo da Consellería de Traballo na que aprobou o ERE de extinción de 26 postos de traballo na empresa cerámica. Amparándose nel a empresa realizou oito despedimentos e o resto quedaron en suspenso cando a Xunta lle outorgou unha axuda dun millón de euros para garantir a viabilidade da empresa.
Na actualidade a empresa ten autorizado outro ERE, pero neste caso de redución de xornada, que afectará á practica totalidade da plantilla durante o ano 2011 e que se acompañará dun plan de prexubilacións. Este ERE foi asinado co comité de empresa tras coñecerse as axudas económicas da Xunta, e coincide plenamente coa proposta que plantexaran no seu momento os sindicatos e que rexeitou a empresa provocando a ruptura da negociación do ERE anterior.
Dende o momento en que se produciron os despedimentos véñense realizando concentracións todos os xoves ás seis da tarde para pedir a súa readmisión, nun primeiro momento convocados polo comité e, dende a aprobación do novo ERE de redución de xornada, son convocados en solitario pola CIG.
Queremos aproveitar para darlle as gazas aos milleiros de persoas que apoiaron coa súa sinatura esta iniciativa e que se posicionaron a favor da readmisión das compañeiras e compañeiros despedidos.
Os Bombeiros de Vilalba excarceraron ao condutor ferido que quedou atrapado no interior do vehículo. O 112 Galicia tivo constancia do accidente ás 16:20 horas desta tarde. Un particular informaba a esa hora dun coche envorcado na LU-P 6501, quilómetro 40 en Rioaveso, ao seu paso por Cospeito (Lugo). Indicaba que no interior do vehículo había unha persoa ferida, consciente pero que non podía saír. Con estes datos, os xestores do 112 pasaron aviso ao Servizo de Urxencias Sanitarias de Galicia-061, aos Bombeiros de Vilalba, á Garda Civil de Tráfico e ao persoal de mantemento da vía.Unha vez no punto, os Bombeiros confirmaron a excarceración do ferido para posteriormente ser trasladado polo persoal do Servizo de Urxencias Sanitarias de Galicia-061.
Trátasde dun grupo coñecido pola súa posta en escena humorística e teatral, que combina música tradicional con estética de taberna e espírito festivo. O evento celebrarase o 22 de maio ás 23:00 horas na Rúa do Cobo nº 18, cun prezo de entrada de 5 euros. As persoas asistentes están convidadas a traer instrumentos para sumarse á foliada. A actividade conta con presenza en Facebook, Instagram e TikTok, onde se pode seguir a programación e novidades do espazo.
Será o sábado 23 de maio, nas Letras no Campo, Feira do libro ribadense, nun acto no que estará acompañado de Suso Fernández Acevedo.
O acto terá lugar o vindeiro luns 18 de maio, coincidindo coa celebración do Día Internacional dos Museos, unha data sinalada para poñer en valor o patrimonio cultural e mariñeiro do concello. Tras un período de traballos de mellora e adecuación, o museo —un referente na comarca— reabre para ofrecer ás persoas visitantes unha viaxe inmersiva a través da herdanza mariñeira, da industria conserveira e da estreita relación das súas xentes co Cantábrico.
O mozo ciclista continúa a demostrar o gran nivel desta tempada, na que suma xa un primeiro posto e un terceiro nas últimas probas das Escolas de Ciclismo da Federación Galega. Uns resultados que reflicten o seu esforzo, constancia e paixón polo deporte. O Concello tamén quixo poñer en valor o traballo do club Medela MTB, pola súa aposta pola formación e polo deporte base, acompañando aos máis novos no seu crecemento deportivo e persoal. Desde Cervo trasladan os parabéns a Mateo e á familia Medela, e destacan o orgullo polos éxitos e pola excelente tempada que están a realizar.
A participación estará aberta do 14 ao 18 de maio, e a persoa gañadora poderá escoller entre cinco modelos diferentes. A propietaria, Susana Moreira, fai un balance moi positivo desta década, na que o negocio evolucionou ata centrarse en mercería, venda de la e artigos artesanais elaborados por ela mesma. Ademais, ofrece arranxos de roupa e organiza cursos e talleres de ganchillo, calceta e bordado, como o previsto para o 23 de maio. A maior parte da clientela e das persoas que participan nas actividades son mulleres, aínda que tamén acoden nenos e mozos interesados en técnicas como os amigurumis.
O encontro incluíu sesión vermú amenizada polo Dúo The Poker e unha comida popular con empanada, embutido, croquetas, xamón cocido, tenreira asada e sobremesa. Pola tarde continuou a música e realizáronse sorteos de agasallos achegados polas asociacións colaboradoras. A iniciativa foi organizada pola Asociación O Castelo, en colaboración coas asociacións parroquiais e o Concello de Alfoz, que agradeceron a ampla participación. Durante a xornada tamén houbo un momento de lembranza para Jorge Val, exalcalde falecido hai un ano, destacando o apoio que brindou ás asociacións locais.
