Cervo, 25 de xuño, 2026. A alcaldesa de Cervo, Dolores García Caramés, quixo compartir un encontro co alumnado cervense do IES Monte Castelo que recentemente participou no intercambio Erasmus+ en Romanía, para coñecer de primeira man as vivencias e aprendizaxes adquiridas durante esta enriquecedora experiencia internacional.
Alexia, Yaiza, Sabela e Erín, e o coordinador do proxecto, Marcelino Luna, mantiveron un encontro distendido coa rexedora en San Ciprián, onde compartiron unha merenda e tiveron a oportunidade de relatar as súas experiencias durante a estancia en Oradea, así como as visitas realizadas a outras cidades europeas. Os mozos e mozas explicaron como esta iniciativa lles permitiu mellorar as súas competencias lingüísticas, coñecer novas culturas, reforzar a súa autonomía persoal e establecer lazos de amizade con estudantes doutros países.
Durante a xuntanza, a alcaldesa interesouse polas actividades desenvolvidas ao longo do proxecto e destacou a importancia de programas como Erasmus+, que contribúen á formación integral da mocidade e fomentan valores como a cooperación, a convivencia, a inclusión e a cidadanía europea.
“É unha satisfacción escoitar de primeira man todo o que aprendestes e vivistes nesta experiencia. Estes intercambios axúdannos a abrir a mente, a coñecer outras realidades e a medrar como persoas. Sodes un orgullo para Cervo e un exemplo para outros mozos e mozas que no futuro poidan participar neste tipo de iniciativas”, sinalou a alcaldesa.
O Concello de Cervo reafirma o seu compromiso co apoio ás iniciativas educativas e de mobilidade internacional, convencido de que representan unha ferramenta fundamental para ampliar horizontes, adquirir novas competencias e preparar á mocidade para afrontar con éxito os retos dun mundo cada vez máis conectado.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
