A alcaldesa, Marta Rouco, destaca que “queremos que formar unha familia en Vilalba sexa máis doado e que ningunha etapa educativa quede sen apoio por parte da administración local”
Vilalba, 6 de xullo de 2026. O Concello de Vilalba publicou as bases reguladoras das axudas destinadas á adquisición de material escolar para o alumnado de Educación Infantil (3 a 6 anos) no curso 2026-2027. A convocatoria conta cun orzamento de 12.000 euros, co obxectivo de apoiar ás familias nunha etapa educativa na que non existe ningunha liña de axudas por parte doutras administracións.
Segundo explican desde o goberno municipal, esta medida responde á demanda detectada polos Servizos Sociais, que sinalaron a necesidade de aliviar o esforzo económico que supón o inicio do curso para moitas familias con nenos e nenas nesta etapa.
As axudas poderán ser de 75 ou 100 euros, en función da renda per cápita anual da unidade familiar.
👩👧👦 “Era necesario cubrir un baleiro evidente”, destaca a alcaldesa
A alcaldesa de Vilalba, Marta Rouco, subliña que “un Concello tamén ten que saber detectar aquelas necesidades ás que outras administracións non están chegando. No caso da Educación Infantil existía un baleiro evidente e consideramos que era a nosa responsabilidade dar unha resposta ás familias”.
Rouco engade que “queremos que Vilalba sexa un lugar no que as persoas poidan desenvolver o seu proxecto de vida con garantías. Iso tamén significa apoiar ás familias desde as primeiras etapas educativas e acompañalas nun momento no que os gastos do inicio do curso son especialmente importantes”.
A rexedora lembra que estas axudas se enmarcan nunha liña de traballo máis ampla, coa que o goberno municipal está reforzando as políticas de conciliación e apoio ás familias, mediante medidas como: a ampliación do servizo de madrugadores, o comedor da Escola Infantil, o programa Concilia na Tarde, os campamentos municipais.
📝 Prazo e presentación de solicitudes
As solicitudes poden presentarse: no Rexistro Xeral do Concello, ou a través da Sede Electrónica, onde o procedemento xa está habilitado entre os trámites destacados.
O prazo permanecerá aberto desde hoxe ata o venres 17 de xullo.
O Concello anima ás familias que cumpran os requisitos a solicitar estas axudas, reafirmando o compromiso do goberno municipal cunha Vilalba atractiva para vivir, formar unha familia e desenvolver un proxecto de vida.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
