Este proxecto forma parte do convenio de colaboración dotado con 1,6M€ asinado entre a institución provincial e o Concello de Xove para a cesión á administración local das dez estradas provinciais que vertebran o municipio
Lugo, 7 de xullo de 2026. A Deputación de Lugo inicia esta semana as obras de mellora de tres estradas provinciais ao seu paso polo concello de Xove. A institución provincial inviste nesta actuación 810.216€, un proxecto que permitirá mellorar as comunicacións neste municipio da Mariña.
Dúas das estradas nas que se actuará parten da autonómica LU-862: a LU-P-2601, que comunica co Portiño de Morás e na que se acondicionará o treito de algo máis de dous quilómetros que quedaba pendente para deixar a vía practicamente renovada na súa totalidade; e a LU-P-2604, cara Valcarría por Monte, na que agora se mellorarán os primeiros tres quilómetros, continuando posteriormente coa actuación no resto do trazado. Ademais, o proxecto inclúe a reparación íntegra da LU-P-2605, preto de tres quilómetros entre A Tronca e Tarolo por Vila.
Os traballos en todas as vías consisten na mellora da drenaxe mediante a reapertura de cunetas e o seu revestimento con formigón nos tramos onde é necesario polas características do terreo, pavimentación con aglomerado en quente e reposición da sinalización. A maiores, contemplan o ensanche da LU-P-2601, o que permitirá aumentar de forma significativa a capacidade e seguridade desta estrada. O prazo de execución previsto é de seis meses.
Este proxecto forma parte do convenio de colaboración asinado entre a Deputación de Lugo e o Concello de Xove para a cesión á administración local das dez estradas provincias que vertebran o municipio. Un traspaso que se fará efectivo unha vez rematadas as actuacións de mellora comprometidas pola institución provincial.
No marco deste acordo, dotado con 1,63M€, a Deputación comprometeuse ademais a arranxar un tramo da LU-P-6606 e da continuación da LU-P-2604, unha actuación que se executará con posterioridade.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
