A listaxe de beneficiarias publicarase a vindeira semana no Boletín Oficial da Provincia
Lugo, 10 de xullo de 2026. A Xunta de Goberno aprobou este venres as resolucións provisionais das axudas de concorrencia competitiva para asociacións culturais e para clubs deportivos convocadas pola Vicepresidencia da Deputación, dúas liñas de axuda cun importe conxunto de 1,26 M€ que se distribuirán entre o tecido cultural e deportivo de toda a provincia.
Axudas para asociacións culturais
A resolución da convocatoria dirixida a asociacións culturais contempla 554 axudas concedidas, 318 para a organización de actividades cultural e 236 para melloras nas instalacións e no equipamento de locais.
O incremento da dotación da convocatoria, á que este ano se destinaron 600.000 euros
-100.000 máis que o ano pasado-, traduciuse nun incremento das entidades beneficiarias -concédense medio cento de axudas máis que en 2025 –. Ademais, incrementouse a contía mínima das axudas, que se sitúan entre os 800 e os 2.500 euros, dacordo cos criterios establecidos nas bases.
A deputada de Cultura Iria Castro destacou “o traballo realizado polo servizo de Cultura para adiantar a resolución desta convocatoria, que tivo como todos os anos unha ampla demanda e que mostra o dinamismo do tecido cultural en todo a provincia”.
Axudas a clubs e entidades deportivas
No tocante á convocatoria da área de Deportes, a resolución provisional contempla 242 axudas para clubs e entidades deportivas, con importes entre os 500 e os 6.000 euros. Esta liña de achegas que se incrementou progresivamente nos últimos anos conta esta anualidade cun orzamento conxunto de 660.000 euros.
As resolucións das convocatorias publicaranse ao longo da vindeira semana no Boletín Oficial da Provincia, coa listaxe de entidades beneficiarias e prazo de alegacións.
Aprobado o convenio para financiar melloras no campo de fútbol de Becerreá
A Xunta de Goberno tamén deu luz verde ao convenio para a renovación do céspede do campo de fútbol de Becerreá. A Vicepresidencia da Deputación de Lugo achegará 220.000 euros ao Concello, titular da instalación, para licitar e executar a reposición do céspede no que adestran e compiten os equipos da SD Becerreá.
Con este xesto, o Concello quere expresar o seu máis fondo pesar e trasladar toda a súa solidariedade e apoio ás familias das vítimas, ás persoas afectadas e a toda a veciñanza, compartindo a dor por esta inmensa traxedia.
Nesta ocasión contará, ademais de cos anfitrións A Subela, como grupo convidado ao Grupo Folclórico e Etnográfico do Cimeiro, procedente de Soure, en Portugal, que participa dentro dun intercambio cultural. A organización destaca que será unha edición especialmente significativa e anima ao público a non perdela. Terá lugar o 18 de xullo, ás 21:00 horas, na Praza Conde de Fontao, de Foz.
Unha actividade marcada polo deporte, o compañeirismo e o bo ambiente. Na categoría Sub-12, os equipos gañadores foron Xove Fútbol Praia, Viveiro Celtic e Sanci FC; en Sub-15, Cachupa, Wachines e Encueradores; en Sub-17, Hamburguesas FC, EnlaDepor e Wachines; e na categoría Sénior, Hamburguesas, La Org e Motototo. As medallas foron entregadas pola alcaldesa de Cervo, Dolores García Caramés, quen felicitou os equipos e agradeceu a participación das persoas inscritas, das familias, do público e dos colaboradores, destacando que fixeron posible unhas noites de fútbol praia inesquecibles. A programación deportiva continuará a semana do 20 de xullo coa celebración do torneo de Fútbol 3x3.
O músico ofrecerá un repaso polos clásicos de Dire Straits, Eric Clapton, Pink Floyd, Lou Reed, Bruce Springsteen, Bob Dylan, Joaquín Sabina e moitos máis, nunha xornada dedicada á música e á historia do local. Esta será a primeira das actividades que se irán anunciando con motivo do 25 aniversario, cunha cita marcada para o 12 de xullo, no propio Rincón de Mondoñedo.
Con ela pechouse a celebración das festas de Santa Isabel que, un ano máis, foi todo un éxito.
As persoas interesadas poderán presentar a súa solicitude ao longo desta semana nas oficinas municipais do Concello de Trabada. O alcalde de Trabada, Rubén García, explica que “desde o Concello queremos dar a máxima difusión a esta convocatoria para que todas as persoas interesadas poidan presentar a súa solicitude e formar parte desta bolsa de emprego”. Desde o Concello animan a todas as persoas interesadas a presentar a súa solicitude dentro do prazo establecido, co obxectivo de garantir a correcta cobertura deste servizo municipal durante o período vacacional.
Puxo en valor a importancia deste tipo de eventos para contribuír á preservación dos traballos gandeiros tradicionais. Cómpre salientar que esta festividade está recoñecida como Festa de Interese Turístico de Galicia. Ademais, nesta ocasión, a conselleira foi nomeada Monteira Maior, unha distinción honorífica outorgada pola Comunidade de Montes de Buio e Lerín, organizadora do evento, ás persoas que colaboraron con eles ou os apoiaron. Gómez trasladou o seu agradecemento por esta mención e reafirmou o seu compromiso co sector agrogandeiro, un piar fundamental para o desenvolvemento do noso rural.
