Trabada, 14 de xullo de 2026. O Concello de Trabada volveu solicitar formalmente á Consellería do Medio Rural a dotación dunha nova motobomba para o servizo municipal de prevención e primeira intervención en incendios forestais, unha petición que o alcalde, Rubén García, considera “urxente e plenamente xustificada” tras os últimos incendios rexistrados no municipio.
A través dun escrito remitido á conselleira de Medio Rural, o Concello lembra que esta demanda non é nova. Xa no ano 2024 trasladara á Xunta a necesidade de renovar este vehículo debido ao seu avanzado estado de desgaste, unha situación que, lonxe de mellorar, agravouse co paso do tempo.
O incendio rexistrado este luns no Alto do Picato, na parroquia de Vilapena, volveu poñer de manifesto a importancia de contar con medios adecuados para facer fronte ás primeiras intervencións. Como acontece habitualmente, os operarios municipais foron os primeiros en chegar ao lugar do incendio, actuando desde os primeiros minutos para conter o avance das lapas ata a chegada do resto dos servizos de emerxencia.
O alcalde de Trabada, Rubén García, participou tamén nesa primeira intervención e puido comprobar, unha vez máis, as dificultades que supón traballar cunha motobomba que leva anos acumulando avarías e reparacións.
“O Concello leva investidos moitos recursos para manter este vehículo operativo, pero chegou a un punto no que o seu desgaste é moi elevado e incluso resulta complicado atopar pezas para continuar reparándoo. Xa non estamos falando dunha mellora, senón dunha necesidade imprescindible para garantir unha resposta rápida e segura”, afirma o rexedor.
Rubén García lembra que Trabada é un concello cunha ampla superficie forestal, numerosos núcleos rurais e unha poboación moi dispersa, polo que a primeira intervención resulta determinante para evitar que un pequeno lume se converta nun incendio de maiores dimensións.
“O noso persoal municipal responde sempre cando hai unha emerxencia. Son os primeiros en chegar, os primeiros en actuar e os primeiros en protexer ás persoas, ás vivendas e ao territorio. Non podemos seguir esixíndolles esa responsabilidade sen proporcionarlles os medios adecuados para facelo con seguridade”, subliña.
Desde o Concello insisten en que esta petición non responde a un capricho, senón á necesidade de dispoñer dun equipamento esencial para protexer á veciñanza, ás explotacións agrarias, ás vivendas e ao patrimonio forestal do municipio.
Por este motivo, o Concello reclama á Xunta de Galicia que atenda esta solicitude coa máxima urxencia, dotando a Trabada dunha nova motobomba que permita prestar un servizo acorde ás necesidades reais do municipio e ás emerxencias que se producen.
Da man da FCAM Ribagorda está a coñecer establecementos comerciais que cumpriron corenta anos de vida e outros que se achegan aos cen. A Federación de Comercio A Mariña aproveita esta estadía do coñecido xornalista para amosarlle as potencialidades turísticas da comarca. José Ribagorda visitou a Basílica de San Martiño en Foz e o Centro de Interpretación da Faba en Lourenzá. A súa viaxe pola Mariña seguirá hoxe e mañá.
O 112 Galicia tivo constancia dos feitos contra as 19:30 horas deste venres, a través dun particular que se atopaba no punto: un coche que participaba nunha proba de rallye en San Fiz de Paz (Outeiro de Rei) perdeu unha roda, e esta acabou golpeando a un espectador, quen precisaba asistencia sanitaria. De inmediato, desde o 112 Galicia informouse a Urxencias Sanitarias de Galicia-061 e os axentes da Garda Civil. Foi a propia organización do evento a que se fixo cargo do traslado.
O paseo polas rúas da vila xunto as Sanluqueiras e Sanluqueiros e o pregón de Luis Rego marcaron o arranque oficial das feiras e festas mindonienses, que chegan este ano a edición 870. A Vicepresidencia da Deputación de Lugo colabora de forma estable e continuada coa Asociación As San Lucas de Mondoñedo, cunha achega da área de Cultura que este ano -coincidindo coa 870 edición- incrementou dos 20.000 aos 30.000 euros.
Trátase dunha iniciativa que favorece a colaboración entre o tecido asociativo e o voluntariado para mellorar e conservar as contornas naturais do municipio. Os traballos centráronse na limpeza deste espazo costeiro, contribuíndo ao seu coidado e á conservación do medio natural. A alcaldesa de Cervo, Dolores García Caramés, achegouse ata a praia para acompañar as persoas participantes nesta iniciativa agredecendo a implicación de Mistura de Lieiro e das persoas voluntarias que participaron nesta xornada, contribuíndo, coa súa colaboración, a manter limpos e coidados os espazos naturais de Cervo.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
