Burela, 27 de xullo de 2026. O Concello de Burela informa de que se produciu unha avaría importante na rede que transporta a auga dende a potabilizadora de Cervo ata Burela, o que está a provocar que o municipio leve varias horas sen recibir auga.
Na actualidade, o abastecemento está a manterse mediante os depósitos dispoñibles, mais podería chegarse a quedar sen auga se a avaría non se arranxa.
Por este motivo, o Concello solicita á veciñanza que, mentres non se resolva a incidencia, minimice o consumo de auga e faga un uso responsable e imprescindible da mesma.
Así mesmo, o Concello advirte de que, unha vez se recupere o subministración, a auga podería presentar inicialmente certa turbidez, como consecuencia dos traballos de reparación da rede. Desde o Concello informarase da evolución da situación e das medidas a adoptar.
Por outra banda, decidiuse suspender a reparación que estaba programada para hoxe, co obxectivo de concentrar todos os recursos dispoñibles en tratar de garantir o abastecemento de auga á poboación e manter, na medida do posible, a mellor calidade da auga dadas as circunstancias.
O Concello de Burela agradece de antemán a colaboración, comprensión e responsabilidade da veciñanza ante esta situación e lembra a importancia de reducir o consumo mentres continúen os traballos para solucionar a avaría.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
Este venres visitaron Ferrol e As Pontes, e o sábado serán os actos institucionais de benvida no concello de Ribadeo. Pola mañá será inaugurada unha placa conmemorativa da visita, e despois a recepción oficial na Casa do Concello.
Villares detallou algunhas destas accións no encontro empresarial organizado en Vilalba pola organización profesional BNI LOU VCR Breogán, un grupo de networking integrado por unha trintena de empresarios e profesionais da provincia. Entre outras, referiuse ás axudas para favorecer o establecemento dos traballadores autónomos ou para o fomento da contratación; os plans do Igape para a expansión e innovación do tecido produtivo, ou as iniciativas de formación. “Apoiar as empresas, as pemes e aos autónomos é apoiar o futuro do territorio”, afirmou.
A principal será o regreso das carrozas dos pobos o domingo 27, recuperando unha tradición histórica. O venres abrirase coa charanga e verbena; o sábado haberá sesión vermú, verbena e fogos; o domingo, música dos sesenta e setenta, desfile de carrozas e festa dos oitenta; o luns, actividades para a infancia e reparto do bollo; e o martes, misa solemne, procesión e verbena final. O Concello de El Franco destaca o labor da Sociedade de Fiestas e o valor de recuperar tradicións e avanzar cara a unhas festas máis inclusivas.
Será o sábado 26 de setembro de 20:00–22:30 no Palacio Santa Emilia de Mondoñedo. Entrada: 34,90 €, inclúe viño seleccionado e aperitivo.
O centro conta con espazos para forza, cardio, adestramento funcional e alta intensidade, ademais de propostas acuáticas, ciclo indoor, pilates e programas Les Mills. Dispón tamén dunha área de relax con baño de vapor, duchas especiais e hidromasaxe. O director, Javier Canel, destaca que o obxectivo é ofrecer alternativas para que cada persoa atope o tipo de exercicio que mellor se adapte ás súas necesidades. En setembro, o centro ofrece unha proba gratuíta de tres días e matrícula de balde para novas inscricións.
O programa inclúe unha actuación vermú de A Requinta de Lampai ás 14:00, un obradoiro de baile tradicional ás 17:30, os cantos de taberna polos bares a partir das 20:00, pinchos para os grupos participantes ás 22:30 e unha foliada aberta ás 23:30. Os grupos interesados poden inscribirse no 605582624.
