Ribadeo, 28 de xullo, 2026. Ribadeo volverá ser un referente do audiovisual os días 6, 7 e 8 de agosto coa celebración da V Edición do Festival de Cine Curto, organizado pola asociación Areas Movedizas. O certame, que desde 2022 aposta por achegar o cine curto ao público e por dar visibilidade ao talento audiovisual da Mariña Lucense, Galicia e Asturias, celebra este ano o seu quinto aniversario cunha programación ampliada. O festival consolídase así como unha das citas culturais destacadas do verán na comarca, mantendo a súa esencia: converter Ribadeo nun espazo de encontro entre cineastas e espectadores e reivindicar o valor das historias contadas desde aquí e en formato curto.
Nesta edición, o festival presenta oito novas curtametraxes seleccionadas: Tenéis que verlo, de Nacho Solana; El cuerpo de Cristo, de Bea Lema; Chicken Jazz, de Imanol Ruiz de Lara; Cara de cona, de Guillermo de Oliveira; As maos da pulpeira, de Silvia Cachafeiro; A miña relación cos bichos, de Javimou; Algo novo que contar, de Paula Pereira; e A Dios le pido, de Ester Moyá. A selección reúne ficcións de estilos diversos, con drama, comedia negra, dúas pezas de animación e, por primeira vez no festival, unha curtametraxe de terror, ampliando a variedade de linguaxes presentes na pantalla.
Como é habitual, o público asistente á sesión do venres no Cine de Ribadeo será quen decida co seu voto a obra gañadora do Premio do Público, consistente nunha achega económica destinada á distribución da curtametraxe e na estatuíña do Mariñán, símbolo do festival.
A principal novidade desta quinta edición será a incorporación dunha xornada inaugural o xoves 6 de agosto no Parque de San Francisco (O Campo). A partir das 20:00 horas celebrarase unha proxección especial ao aire libre cos catro filmes gañadores das edicións anteriores: Una historia azul, de Mónica Arnanz; Nena, de Xosé A. Touriñán e Jairo Iglesias; Esto no es Noruega, de Paco Cavero e Alicia Albares; e Monstera, de Diego R. Aballe.
Ás 21:30 horas, O Xoán, proxecto musical do actor lucense Xoán Fórneas —coñecido polo seu papel como Castelao en Antes de nós— ofrecerá un concerto no que presentará os temas do seu primeiro traballo, unha proposta de pop electrónico en galego que o sitúa entre os artistas emerxentes máis interesantes do momento. Durante a tarde haberá tamén unha barra de bebidas xestionada pola Comisión de Festas de Ribadeo, cuxos beneficios se destinarán ao seu financiamento.
O venres 7 de agosto, ás 20:00 horas, no Cine de Ribadeo, terá lugar a proxección das oito curtametraxes finalistas. O sábado 8, tamén ás 20:00 horas, o Teatro de Ribadeo acollerá a Gala Final, na que se anunciará a obra gañadora. A gala estará presentada polo xornalista ribadense Fabián Pérez, colaborador do programa Todo es mentira, e contará coa presenza de Xoán Fórneas, padriño desta edición, quen realizará unha intervención especial e entregará os premios.
A Gala Final incluirá ademais unha actuación da Coral Polifónica de Ribadeo, que ofrecerá un espectáculo dedicado ás grandes bandas sonoras da historia do cine, acompañado dunha montaxe audiovisual proxectada en directo.
Repite tamén a creadora de contido Prado Rúa, que dinamizará as alfombras vermellas e o photocall das xornadas do venres e do sábado, achegando o festival ás redes sociais e contribuíndo a ampliar a súa visibilidade entre novos públicos.
A entrada será libre e gratuíta ata completar aforo en todas as actividades. A organización convida á veciñanza e visitantes a participar nesta quinta edición, lembrando que a sesión competitiva inclúe curtametraxes non recomendadas para menores de 12 anos.
Esta edición é posible grazas ao apoio da Xunta de Galicia, Concello de Ribadeo, Deputación de Lugo, Ministerio de Xuventude e Infancia (Injuve), Acisa, Hotel Restaurante La Balastrera, Hotel Aduana, Signo Creaciones e Cine Ribadeo, ademais doutras entidades colaboradoras que continúan apostando por facer medrar este proxecto.
Cinco anos despois da súa creación, o Festival de Cine Curto de Ribadeo reafirma o seu compromiso co audiovisual de proximidade, creando un espazo onde descubrir novas historias, compartir cine e seguir demostrando que aquí tamén se fai cine.
Arxentina de nacemento e viveirense de corazón, retomou en Galicia a súa vocación artística e atopou na escultura a súa forma de expresión. A súa obra céntrase en figuras humanas cargadas de emoción, en soidade ou en relación cos outros. A exposición reúne pezas seleccionadas e premiadas en certames de Madrid, Barcelona, Valdepeñas e Florencia nos últimos oito anos, que agora regresan —como a súa autora— á casa. Poderá visitarse ata o 29 de agosto.
Villares gabou o traballo do club Val de Francos, “que en tempo récord logrou situar esta cita entre as máis atractivas da provincia para os afeccionados á hípica”. Neste sentido, destacou a proxección que está a gañar este deporte e o impulso que recibe da Xunta, principalmente a través dun convenio coa Federación Hípica Galega polo que destina máis de 80.000 euros para as actividades a desenvolver este ano. A proba discorrerá por camiños forestais de terra, a excepción dos cruces de estradas, e constará de tres modalidades, con distancias de 80, 60 e 40 quilómetros respectivamente.
A clasificación final quedou do seguinte xeito: en Sub-10, Los 5 FC proclamáronse campións, seguidos de Los Balones; en Sub-12, o primeiro posto foi para Aston Birra, seguido de Minavo de Kiev e The Blues Bananas; en Sub-15, o equipo Piti levou o título, seguido de PDC e Camoca; en Sub-17, PDC acadou o primeiro posto, por diante de Papa Cu Leti e Motototo; e na categoría Sénior, Motototo resultou gañador, seguido de Descansa e Texeira Lima. As medallas foron entregadas pola alcaldesa, Dolores García Caramés, acompañada polos concelleiros José Manuel Balseiro e Alfredo Fernández, que felicitaron a todos os participantes polo seu esforzo e deportividade.
As reservas poderán realizarse por teléfono, chamando ao 982 560 162, ou a través do correo electrónico cultura@viveiro.gal, en horario de 9:00 a 14:00 horas. Cada persoa poderá solicitar un máximo de catro entradas. Desde o Concello de Viveiro anímase á veciñanza a asistir a esta representación e lembra que as reservas se atenderán a partir da apertura do prazo.
A clasificación final situou a Braulio Gayoso (TM Luarca) como gañador, seguido de Eugenio Alonso (CD San Ciprián), e dun terceiro posto compartido por Carlos Ron (Atletic Génova TM) e Domingo Larriety (TM Luarca). A alcaldesa de Cervo, Dolores García Caramés, entregou os trofeos e destacou o éxito dun torneo que xa se consolidou como unha cita imprescindible do calendario deportivo estival. O Concello felicita aos gañadores, a todos os participantes polo alto nivel amosado durante a xornada e ao CD San Ciprián pola excelente organización dun evento que continúa reforzando o seu papel como referente do tenis de mesa no norte peninsular.
Durante o evento realizouse unha ofrenda aos mariñeiros falecidos e, seguidamente, tivo lugar a subida da imaxe da Virxe do Carme ata a Igrexa. Esta última xornada continuou cunha misa solemne, á que asistiron numerosos veciños e visitantes que se achegaron ata a localidade mariñá, seguida da procesión acompañada pola Banda Naval e de actuacións musicais. A programación completarase a partir das 17:00 horas con diferentes actividades para os máis cativos e cativas.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
