Viveiro, 28 de xullo de 2026. O Porto de Celeiro acolleu hoxe a xornada Europa ao servizo das empresas de Galicia: innovación, internacionalización e competitividade, un evento concibido como un punto de encontro estratéxico para achegar ao sector do mar galego todos os recursos, programas e servizos de apoio que a Comisión Europea pon á súa disposición.
A apertura institucional estivo a cargo da conselleira do Mar, Marta Villaverde, que estivo acompañada pola directora da Axencia Galega de Innovación (Gain), Carmen Cotelo, e o director xeral de Pesca, Acuicultura e Innovación Tecnolóxica, Isaac Rosón, que participou nunha das mesas de traballo. A iniciativa, organizada por Porto de Celeiro, Eurochambres, a Confederación de Empresarios de Galicia (CEG), a Confederación de Empresarios de Lugo (CEL), Uninova, Asime e as Cámaras de Comercio de Lugo e Santiago, permitiu amosar o traballo conxunto que realizan as redes europeas de información para facilitar ás pemes a resolución de trámites e a apertura de novos mercados.
O encontro reservou un espazo central de reflexión arredor do sector marítimo-pesqueiro. Nese marco celebrouse a mesa redonda O futuro do mar e a pesca en Europa, Nela, o director xeral de Pesca, Acuicultura e Innovación Tecnolóxica, Isaac Rosón, trasladou as principais observacións e achegas da Consellería do Mar á UE no marco da Visión 2040. Nesa liña, abordou as necesidades de mellora e reforma do FEMPA, a urxencia de revisar o modo de medir a capacidade pesqueira na Política Pesqueira Común (PPC) e a necesidade de que a transición enerxética se adapte á realidade do sector, garantindo sempre a igualdade de condicións (level playing field) para asegurar a competitividade das empresas galegas.
Pola súa parte, a directora da Axencia Galega de Innovación da Xunta de Galicia, Carmen Cotelo, detallou as posibilidades que ofrece Europa para as pemes galegas en materia de innovación e internacionalización, tanto de financiamento como na procura de posibles socios ou consorcios. “Europa ten que ser próxima, útil e accesible para o noso ecosistema de I+G+i e, en especial, para o tecido empresarial”, expresou Cotelo.
Demandas da Xunta a Bruxelas
Pola súa banda, a conselleira do Mar, Marta Villaverde, aproveitou a celebración do foro para subliñar a importancia de que a voz de Galicia e das súas empresas se faga oír nos grandes debates que se están a decidir actualmente en Bruxelas. Nese sentido, reiterou a esixencia de que a negociación do futuro Marco Financeiro Plurianual 2028-2034 manteña un instrumento financeiro específico e potente para o sector pesqueiro e acuícola, na liña do actual Fondo Europeo Marítimo, de Pesca e de Acuicultura (FEMPA).
Segundo remarcou a titular autonómica, este fondo debe contar con recursos suficientes que cheguen de xeito áxil e directo aos armadores e profesionais para abordar retos urxentes como a descarbonización da frota, a renovación de buques e a modernización de infraestruturas. Así mesmo, en relación co proceso de revisión da PPC, Villaverde defendeu unha simplificación burocrática real que elimine trabas administrativas e que teña en conta a perspectiva das rexións periféricas marítimas, garantindo un equilibrio efectivo entre os criterios sociais, económicos e medioambientais para protexer un sector que é clave para a soberanía alimentaria europea.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
