Para o Grupo Parlamentario Popular, dispor dun marco regulador máis sinxelo, no que a UE simplifique determinadas normas e leis, é clave para impulsar a competitividade a longo prazo
Santiago de Compostela, 11 de agosto de 2026. O PPdeG vén de solicitar un plan de simplificación específica para o sector marítimo-pesqueiro.
A través dunha proposición non de lei, o Grupo Parlamentario Popular demanda un marco regulador máis áxil e xusto que reforce a soberanía alimentaria, garanta a viabilidade socioeconómica e preserve o tecido produtivo das comunidades costeiras galegas. Tal e como explicou a deputada popular Nazareth Cendán, esta iniciativa xorde no marco do proceso actual que a UE está a desenvolver desde febreiro de 2025 cos chamados paquetes ómnibus, propostas dirixidas a reducir os custos administrativos e as obrigas de presentación de información para as empresas.
Neste senso, apuntou que “a simplificación no eido do mar debe ir moito máis aló da mera redución de informes burocráticos”. É que, tal e como sinalou, o sector enfróntase a diferentes desafíos regulatorios que ameazan de forma directa a súa viabilidade económica, tales como os elevados custos de cumprimento, os peches de caladoiros, a presión fiscal e as ineficiencias administrativas que lastran a súa operatividade diaria.
Por este motivo, a iniciativa do Grupo Popular, que recolle unha demanda do sector, avoga porque a Comisión Europea execute “unha revisión práctica, profunda e exhaustiva” de todas as políticas con impacto na pesca –o Regulamento de Control ou a Lei de restauración da natureza-, esixindo que a lexislación sexa proporcionada, coherente e eficaz permitindo que o sector prospere e garantindo, ao mesmo tempo, o cumprimento dos obxectivos de sustentabilidade da Unión Europea. Para a parlamentaria popular, dispor dun marco regulador máis sinxelo, no que a UE simplifique determinadas normas e leis, é clave para impulsar a competitividade a longo prazo.
Así mesmo, Nazareth Cendán defendeu que as administracións das rexións altamente dependentes da pesca, como Galicia, conten cunha participación directa no proceso de toma de decisións en Bruxelas. “O obxectivo final é acadar un marco normativo xusto e áxil que preserve o tecido produtivo e o futuro socioeconómico de todas as comunidades costeiras galegas fronte á competencia de terceiros Estados”, finalizou.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
