Analizaranse os aspectos históricos, culturais, patrimoniais e legais da proposta e recollerá a opinión do autor e das entidades culturais e sociais
Viveiro, 12 de agosto de 2026. O Goberno municipal de Viveiro impulsará a creación dunha comisión cultural para estudar e valorar a posibilidade de que «Catro Vellos Mariñeiros» se converta no himno oficial do Concello. A iniciativa parte da vinculación da composición coa identidade mariñeira, a historia e a memoria colectiva de Viveiro, así como da presenza durante décadas en celebracións, actos populares e outros momentos relevantes para o municipio.
A creación da comisión supón o inicio dun proceso de análise e diálogo, sen que exista polo momento unha decisión adoptada sobre a elección do himno. O órgano estudará os aspectos históricos, culturais, patrimoniais e legais relacionados coa proposta e recollerá a opinión do fillo e a familia do autor, así como das asociacións e entidades culturais e sociais de Viveiro. O obxectivo é que calquera decisión conte co maior consenso posible e sexa resultado dun proceso participativo.
Unha vez completado este traballo e analizadas as achegas recibidas, a comisión formulará as conclusións e poderá, se o considera oportuno, elevar a proposta ao Pleno da Corporación municipal, ao que correspondería adoptar a decisión. «Queremos abrir un proceso de reflexión e escoita, sen anticipar ningún resultado, porque unha decisión destas características debe contar coa participación das persoas e entidades vinculadas á cultura e á historia de Viveiro», sinala Mariña Gueimunde, alcaldesa de Viveiro.
«Catro Vellos Mariñeiros» foi composta polo escritor, xornalista e músico viveirense José Travieso Quelle (Viveiro, 1917-Santiago de Compostela, 2005). Creada na década de 1940 e inspirada na vida e no traballo dos mariñeiros da súa vila natal, a canción foi adquirindo co paso do tempo presenza na cultura popular e na memoria de varias xeracións de viveirenses.
O Goberno municipal considera que a eventual elección dun himno oficial debe estar vinculada á historia, aos valores e ao sentimento de pertenza da veciñanza. A comisión permitirá analizar se «Catro Vellos Mariñeiros» reúne as condicións para representar oficialmente ao municipio antes de que, de ser o caso, a cuestión sexa sometida á consideración do Pleno.
Tamén puxo en valor o labor de Fonmiñá e a importancia dunha cita cultural que cumpre 48 edicións. Para Vilalba, a incorporación da actriz ao Paseo do Cine é un recoñecemento que a vila sente como propio.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
Félix Jorquera conversou co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fixo balance do verán, que todos valoraron de xeito positivo, e analizou os proxectos para os vindeiros meses.
Trátase dunha viaxe para dúas persoas con estancia de catro noites nun hotel de catro estrelas en réxime de todo incluído, voos e equipaxe. O sorteo tivo lugar o pasado mes de xuño.
A cita previa pode solicitarse a través do teléfono 981.928.080 ou da web 
A medida tamén fai que as familias perdan a gratuidad do comedor escolar, asumindo un gasto novo. O Concello reclama recuperar a parada mentres non exista unha alternativa segura e manter tanto o transporte como o comedor gratuíto, pedindo unha solución urxente que non prexudique ás familias de Mántaras.
Un total de 32 participantes déronse encontro nesta segunda edición, demostrando o seu nivel e desfrutando dunha mañá de competición e compañeirismo. Os gañadores das diferentes categorías foron: Antón Pernas (Sub 8), David Bustabad (Sub 10), Xulio Pernas (Sub 12), Deivid Pérez (Sub 14), Manuel Castro (Sub 16) e Breixo Alvite (Sub 18). A alcaldesa de Cervo, Dolores García Caramés, entregou os trofeos e medallas aos vencedores. O Concello felicita a todas as persoas participantes polo seu esforzo e por contribuír ao crecemento do xadrez no municipio, reafirmando a súa aposta polo deporte, pola participación e por ofrecer novas oportunidades para gozar e aprender.
