Foz, 14 de agosto, 2026. A Agrupación Socialista de Foz denunciou un acto vandálico contra a Casa do Pobo, onde o lanzamento dunha botella provocou a rotura dunha das lúas do local. O partido puxo os feitos en coñecemento das forzas de seguridade e entregou os elementos dispoñibles para facilitar a investigación.
A organización lembra que hai poucos meses a mesma sede apareceu con pintadas ameazantes. Aínda que non establece relación entre ambos episodios, considera que estes incidentes deben abrir unha reflexión sobre o clima político actual e sobre o trato ás persoas que participan na vida pública.
A agrupación alerta da normalización do insulto, do desprezo e da descualificación persoal, especialmente nas redes sociais, onde —sinala— determinados perfís converten o ataque sistemático e o sinalamento nunha forma habitual de intervención pública.
Sostén que a crítica e a discrepancia son necesarias, pero insiste en que detrás de cada cargo, militante ou simpatizante hai persoas. “Cando quen pensa diferente se transforma nun inimigo ao que todo vale dicirlle ou facerlle, deterioramos a convivencia democrática”, afirman.
“Unha botella non rompe só un cristal. Antes tivo que romperse algo no respecto por quen pensa diferente”, engaden.
A Agrupación Socialista de Foz asegura que non pretende dramatizar nin utilizar politicamente o sucedido e reivindica unha política na que se poida discrepar sen deshumanizar ao adversario. O partido anuncia que continuará coa súa actividade con normalidade, defendendo as súas ideas e respectando as de quen pensa distinto.
O 112 Galicia tivo constancia dos feitos contra as 19:30 horas deste venres, a través dun particular que se atopaba no punto: un coche que participaba nunha proba de rallye en San Fiz de Paz (Outeiro de Rei) perdeu unha roda, e esta acabou golpeando a un espectador, quen precisaba asistencia sanitaria. De inmediato, desde o 112 Galicia informouse a Urxencias Sanitarias de Galicia-061 e os axentes da Garda Civil. Foi a propia organización do evento a que se fixo cargo do traslado.
O paseo polas rúas da vila xunto as Sanluqueiras e Sanluqueiros e o pregón de Luis Rego marcaron o arranque oficial das feiras e festas mindonienses, que chegan este ano a edición 870. A Vicepresidencia da Deputación de Lugo colabora de forma estable e continuada coa Asociación As San Lucas de Mondoñedo, cunha achega da área de Cultura que este ano -coincidindo coa 870 edición- incrementou dos 20.000 aos 30.000 euros.
Trátase dunha iniciativa que favorece a colaboración entre o tecido asociativo e o voluntariado para mellorar e conservar as contornas naturais do municipio. Os traballos centráronse na limpeza deste espazo costeiro, contribuíndo ao seu coidado e á conservación do medio natural. A alcaldesa de Cervo, Dolores García Caramés, achegouse ata a praia para acompañar as persoas participantes nesta iniciativa agredecendo a implicación de Mistura de Lieiro e das persoas voluntarias que participaron nesta xornada, contribuíndo, coa súa colaboración, a manter limpos e coidados os espazos naturais de Cervo.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
