Viveiro, 20 de agosto, 2026. O Grupo Municipal Socialista de Viveiro quere poñer en valor a colaboración da Deputación de Lugo coa Comisión de Festas de Viveiro, contribuíndo á celebración de tres das actuacións incluídas na programación festiva deste ano.
Desde o PSOE de Viveiro defenden que, independentemente de quen goberne no Concello, o importante é Viveiro, os seus veciños e veciñas e o apoio ás persoas e colectivos que traballan para sacar adiante actividades no municipio. Neste caso, destacan o labor dunha Comisión de Festas que asumiu a organización dunha parte fundamental das celebracións e coa que, ao seu xuízo, as administracións deben colaborar.
Por este motivo, o Grupo Socialista valora que a Deputación de Lugo contribuíse economicamente á programación, porque consideran que esa é tamén unha forma de demostrar compromiso con Viveiro: colaborar, achegar recursos e axudar a que as festas poidan saír adiante, estea quen estea gobernando no Concello.
Ao mesmo tempo, anuncian que no próximo Pleno municipal solicitarán ao Goberno local que informe cal foi exactamente a colaboración económica da Xunta de Galicia nas festas de Viveiro e nas actividades organizadas directamente polo Concello.
A formación explica que durante estes días se puido comprobar unha presenza constante da imaxe da Xunta de Galicia: cartelería en numerosos espazos, publicidade no palco e presenza da súa imaxe institucional en diferentes puntos e actividades das festas.
Ante este despregamento publicitario, o PSOE entende que a achega da Xunta debe ser igualmente importante. Porque, se a colaboración económica non se corresponde con toda esa visibilidade institucional, sería difícil comprender que o Concello lle conceda á Xunta unha presenza tan extraordinaria.
Os socialistas subliñan que o seu único obxectivo é que os veciños e veciñas coñezan os datos: canto achegou cada administración ás festas de Viveiro e a que actividades concretas se destinou ese apoio.
Conclúen que, cando unha administración colabora con Viveiro, celebran e agradecen esa contribución, sexa da cor política que sexa. Pero tamén consideran que a publicidade institucional debe gardar relación coa colaboración real que recibe o Concello, porque por riba das siglas e dos intereses partidistas debe estar sempre Viveiro.
No acto, o autor estará acompañado por Xosé Ramón Veiga, profesor de Historia Contemporánea na USC, e por Francisco Villamil, profesor de Ciencia Política na Universidade Carlos III. A Galicia moderna (1880-1939) desmonta a visión tradicional dunha Galicia rural, atrasada e pasiva no cambio de século, e amosa a profunda transformación económica, agraria e social que viviu o país nese período.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
