Ribadeo, 28 de agosto, 2026. Ribadeo foi os días 26, 27 e 28 de agosto o punto de encontro de profesionais, docentes, empresas e expertos da automoción coa celebración do XV Fórum de Innovación e Formación sobre Vehículos, organizado por APAGA, a Asociación de Profesores Técnicos e de Ensino Secundario de Automoción de Galicia. O encontro reuniu arredor de medio cento de participantes e contou cun completo programa de ponencias, talleres prácticos e actividades formativas.
A décimo quinta edición pechouse cun balance moi positivo tras tres xornadas dedicadas á innovación tecnolóxica, á actualización de coñecementos e ao intercambio de experiencias entre o ámbito educativo e o sector profesional. O Fórum contou ademais cunha dimensión internacional, coa participación de docentes de Ghana e Alemaña.
Ao longo das sesións abordáronse algúns dos principais retos da automoción actual: electrificación dos vehículos, diagnosis avanzada, electrónica, novas ferramentas de traballo, dixitalización e aplicación da intelixencia artificial. Estes contidos reflicten a profunda transformación que está a vivir o sector e a necesidade de que a Formación Profesional avance ao mesmo ritmo que a tecnoloxía.
O presidente de APAGA, Álvaro Doural, destacou que a FP debe estar preparada para acompañar esta evolución: “la tecnología avanza muy rápido y la FP tiene que avanzar con ella”. Engadiu tamén que “no podemos formar a los profesionales del futuro con las herramientas del pasado”, subliñando a importancia dunha formación permanente, conectada coas empresas e aberta a Europa.
A internacionalización é un dos piares da actividade de APAGA, que impulsa proxectos Erasmus+ para favorecer a mobilidade de estudantes e docentes, establecer colaboracións con centros doutros países e coñecer diferentes modelos formativos nun sector marcado pola evolución tecnolóxica constante e un mercado laboral global.
Con esta décimo quinta edición, o Fórum consolídase como un espazo de referencia para a actualización profesional e a innovación educativa en automoción. APAGA agradeceu a participación de docentes, profesionais, empresas, expertos e entidades colaboradoras, que fixeron posible que Ribadeo volvese ser un punto clave para a formación vinculada ao vehículo.
O encontro rematou cunha conclusión clara: a transformación da automoción esixe unha transformación paralela da formación. Electrificación, dixitalización, intelixencia artificial, novas tecnoloxías de diagnosis e sustentabilidade marcarán o futuro da profesión, e APAGA continuará traballando para que a FP de Automoción en Galicia siga formando profesionais altamente cualificados e preparados para afrontar os desafíos da mobilidade do futuro.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O percorrido comeza nun lugar simbólico: as pontes sobre o río Sor, que unen as provincias da Coruña e Lugo e marcan un dos vértices do territorio lucense. Con esta iniciativa, Guido Guía propón unha travesía pola diversidade paisaxística, histórica e humana da provincia, destacando a riqueza dos seus espazos naturais, monumentos e comunidades.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
