O delegado territorial de Lugo analizou co alcalde, Roberto García, algúns dos últimos investimentos realizados polo Goberno galego así como proxectos de futuro para o municipio
Xermade, 14 de setembro de 2026. O delegado territorial da Xunta en Lugo, Alfonso Villares, mantivo hoxe un encontro institucional co alcalde de Xermade, Roberto García, no que avaliaron algúns dos últimos investimentos realizados polo Goberno galego no municipio e posibles liñas de colaboración para o futuro.
Villares destacou “a necesaria cooperación entre Administracións para levar adiante proxectos en beneficio da veciñanza”. Ao respecto, referiuse aos 151.000 euros concedidos para acondicionar camiños rurais no concello entre os anos 2025 e 2027, “infraestruturas que son básicas para mellorar as condicións de vida e de traballo e contribuír ao aumento da competitividade agraria e forestal”.
Entre os proxectos máis recentes figura o incremento da eficiencia enerxética da Casa Consistorial financiado a través da liña non competitiva do Fondo de Compensación Ambiental, que suma este ano unha achega autonómica de case 60.000 euros.
No ámbito do servizos sociais, Villares subliñou que, grazas ao acordo coa Federación Galega de Municipios e Provincias (Fegamp), a Xunta investirá un total de 2,3 millóns de euros nesta lexislatura no financiamento do Servizo de Axuda no Fogar (SAF). Así mesmo, sostén unha Casa Niño e sufraga arredor de 60 Bonos de Coidado no Fogar no municipio cun orzamento de 290.000 euros, entre outras accións.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
