Nota de prensa:
O INLUDES achega máis de 41.000 euros á promoción dos festexos gastronómicos na provincia
– A Vicepresidenta Segunda e o Alcalde de Foz presentan a VIII Festa do Berberecho, que acolle dita localidade a vindeira fin de semana, e na que se degustarán máis de 3.000 quilos deste molusco
– Gómez Besteiro inaugurará a xornada coa lectura do pregón que terá lugar o sábado, ás 12:00 horas, na explanada do Porto
– A Deputación colabora con esta iniciativa ó igual que 49 hostaleiros focenses que servirán distintos pratos elaborados con este produto
– O Alcalde anuncia que o Lugo Emprega permitirá a contratación de 20 desempregados en Foz e adianta os traballos ós que se destinarán
A Vicepresidenta Segunda da Deputación, Lara Méndez, e o Alcalde de Foz, José María García Rivera, presentaron este mércores no Pazo de San Marcos a VIII Festa de Berberecho que celebra dita localidade a vindeira fin de semana, 15 e 16 de xaneiro. O organismo provincial colabora con esta iniciativa dentro da aposta polo medioambiente, “a nosa oportunidade económica”. Lara Méndez destacou que “o impulso desta iniciativa é unha maneira de xerar riqueza na provincia mediante a promoción dos nosos produtos. Por iso, dende o INLUDES investimos este ano máis de 41.000 euros para potenciar festexos gastronómicos coma este”.
O Institución Lucense de Desenvolvemento Económico e Social achega concretamente 41.700 euros dentro do Plan Estratéxico de Subvencións para 2011 á organización de acontecementos como a Feira do Grelo de Abadín, a de produtos ecolóxicos da Fundación Expomar, a Festa da Empanada de Chantada ou a do Mel de Lugo.
O Presidente, pregoeiro
O Presidente da Deputación, José Ramón Gómez Besteiro, será o encargado de inaugurar a oitava edición da Festa do Berberecho coa lectura do pregón que ofrecerá o sábado, ás 12:00 horas, diante do recinto feiral, na explanada do Porto de Foz. O rexedor focense subliñou “que se trata dun pregón máis que merecido porque foi unha das persoas que máis nos axudou neste Concello nestes últimos catro anos”.
Durante dous días, poderanse desgustar distintos pratos elaborados con este molusco. Deste xeito, 50 hostaleiros do municipio ofrecerán tortilla e empanada de berberechos. En total, poranse a venda máis de 3.000 quilos que serán elaborados de distintas formas: con salsa mariñeira, ó estilo focega e ó vapor con limón. Ademais, este ano logo da presenza na anterior edición do Presidente de Cantabria, Miguel Ángel Revilla, incorpórase a receita “berberecho con salsa verde e aroma de anchoas do Cantábrico”. Asimesmo, porase a disposición dos celíacos un pan especial.
Tal e como indicou o Alcalde, fletaranse autobuses de Santurce, Lugo e Laredo. A organización, que non descarta a presenza do dirixente cántabro, agarda que só o sábado unhas 6.000 persoas participen na cita gastronómica. A cunca de berberecho venderase a 3 euros.
Colaboración da Deputación
García Rivera agradeceu a colaboración da Deputación para o desenvolvemento da cita gastronómica, xa que nesta edición a Xunta de Galicia recortou nun 90% a subvención que destinaba o anterior goberno bipartito. “Non sei por que a Delegación da Consellería de Pesca antes nos daba antes 12.000 euros e agora só 1.725. Non o chegamos a comprender que dun plumazo nos quiten o 90% de subvención porque se trata dunha festa á que acuden moitas persoas e coa que recuperamos unha tradición. Para eles é máis importante por exemplo facer o Gaiás. Pola contra, a Deputación apostou fortemente”.
Lugo Emprega contratará a 20 desempregados en Foz
O Alcalde tamén amosou a satisfacción polo Plan Lugo Emprega, co que o organismo provincial freará o desemprego na provincia dando traballo a 711 parados. En total, no municipio mariñano contrataranse a 20 demandantes de emprego. “Cando vin que o Presidente e o equipo de goberno se decidiu a facer este Plan o primeiro que pensei foi: creo que van moi acertados os cartos. É unha das mellores ideas que tivo esta Deputación ó longo destes catro anos, xa que creou unha grande expectación e suscitou o interese entre a cidadaní porque o emprego é o principal problema que ten este país”.
Asimesmo, criticou a desidia coa que está a actuar o goberno autonómico ó respecto, xa que é a administración que ten competencias directas nesta materia. “É tremendo que unha Deputación ou un Concello teñan que facer un plan de emprego. Eu pregúntome onde está a Xunta de Galicia. O certo é que nin está nin se lle espera. É tremendo ver como son incapaces de montar unha iniciativa semellante. Iso sí, tiñamos concedidos polo goberno anterior 15 socorristas e agora baixaron a 5, de 20 limpiadores de praias dannos 9. O que fan é reducir e reducir no emprego cando realmente o que tiñan que facer era aumentar, aumentar e aumentar”.
O Alcalde explicou que os contratados destinaranse a diversas actuacións. Crearase un grupo de emerxencias, formado por 7 efectivos, para que atendan calquera incidiencia que poida xurdir no municipio. Outros destinaranse ó mantemento de áreas recreativas e da Rede Natura. Ademais e grazas ó Lugo Emprega, Foz aumentará a atención a domicilio e ó mantemento da a sala de exposicións do CENIMA.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Foi a unhas oito millas de Estaca de Bares. O 112 Galicia tivo coñecemento do suceso arredor das 22:30 horas deste luns a través do Servizo de Gardacostas de Galicia, que indicou que se mobilizaba o helicóptero Pesca II logo de que se producise lume nun barco, con tres tripulantes a bordo. Porén, os mariñeiros foron evacuados do lugar a través dun pesqueiro que se atopaba na zona para, posteriormente, ser trasladados en ambulancia. Por outra banda, o barco finalmente afondou no mar. Cómpre mencionar que neste operativo tamén participaron Salvamento Marítimo e a Garda Civil.
Esta actividade, organizada polo Concello de Lourenzá, será na praza César Chavarría Pacio e haberá tres funcións: ás 13:00, ás 18:30 e ás 20:00 horas. A entrada é de balde por orde de chegada ata completar aforo. A alcaldesa de Lourenzá, Rocío López, destaca que “a maxia é unha desas propostas que sempre ten unha acollida moi especial en Lourenzá. Gusta aos pequenos, pero tamén consegue sorprender e ilusionar aos maiores, converténdose nun plan perfecto para gozar en familia”.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
